పంజాగుట్ట పోలీస్​ స్టేషన్​ ఎదుట ఉద్రిక్తత

పంజాగుట్ట పోలీస్​ స్టేషన్​ ఎదుట ఉద్రిక్త పరిస్థితి నెలకొంది. పోలీసుల అలసత్వంతోనే ఆటో డ్రైవర్​ దారుణ హత్యకు గురయ్యాడని ఆరోపిస్తూ...మృతుని బంధువులు ఆందోళనకు దిగారు.

హైదరాబాద్​లోని పంజాగుట్టకు చెందిన ఆటో డ్రైవర్​ దారుణ హత్యకు పోలీసుల నిర్లక్ష్యమే కారణమని మృతుని బంధువుల ఆరోపించారు. పోలీసుల తీరుకు నిరసనగా పంజాగుట్ట పోలీస్​ స్టేషన్​ ఎదుట ఆందోళన చేపట్టారు.

ఈనెల 22 న పంజాగుట్టకు చెందిన అన్వర్​ తనకు ప్రాణ భయం ఉందని పోలీసులను ఆశ్రయించారు. ఫిర్యాదుదారుతో పోలీసులు.. 'దాడి ఎందుకు చేస్తాడు.. సాక్ష్యాలు తీసుకురావాలంటూ' ఇబ్బందులకు గురిచేసినట్లు బంధువులు ఆరోపించారు. ఆ తరువాతే అన్వర్​ను హత్యకు గురయ్యాడు. మృతదేహంతో ఠాణా ఎదుట బంధువులు ఆందోళనకు దిగారు. నిర్లక్ష్యంగా వ్యవహరించిన పోలీస్​ అధికారులపై చర్యలు తీసుకోవాలని డిమాండ్​ చేశారు.

ఇవీ చూడండి: కారు టైరు పగిలి ఘోర రోడ్డు ప్రమాదం