How to Download Vehicle RC Telangana Online: వాహనం కొంటే తప్పనిసరిగా రిజిస్ట్రేషన్ చేయించాలి. రిజిస్ట్రేషన్ పూర్తైన తర్వాత ఆర్‌టీఓ నుంచి రిజిస్ట్రేషన్ సర్టిఫికెట్ (RC) లభిస్తుంది. ఏ వాహనానికైనా ఇది చాలా ముఖ్యమైన డాక్యుమెంట్. ప్రతీ వాహనాన్ని నమోదు చేసుకొని.. దానికి ప్రత్యేక రిజిస్ట్రేషన్ నెంబర్‌ కేటాయిస్తుంది రవాణా శాఖ. మీ దగ్గర ఉన్న వాహనం మీదే అని చెప్పడానికి ప్రధాన ఆధారం ఇదే.
ఈ సర్టిఫికెట్.. రిజిస్ట్రేషన్ చేసిన తర్వాత 15 సంవత్సరాల వరకు చెల్లుబాటు అవుతుంది. ఆ తర్వాత దాని గడువు ముగిసిపోయినట్టే. అయితే.. మీరు ఆ RCని మరో ఐదేళ్లపాటు పునరుద్ధరించుకోవచ్చు. లేదంటే.. ఒక నెల వరకు చెల్లుబాటు అయ్యేలా తాత్కాలిక రిజిస్ట్రేషన్ సర్టిఫికెట్‌ను కూడా పొందవచ్చు. ఈ స్టోరీలో.. RTO ఆఫీసుకు వెళ్లకుండానే ఆన్లైన్లోనే రిజిస్ట్రేషన్ కాపీని డౌన్లోడ్ చేసుకోవడం ఎలా అన్నది ఇప్పుడు తెలుసుకుందాం.
తెలంగాణలో వెహికల్ RCని ఆన్లైన్లో డౌన్లోడ్ చేయడం ఎలా?
How to download vehicle RC Telangana online?:తెలంగాణ ప్రభుత్వం ఆన్లైన్ RCని డౌన్లోడ్ చేసుకోడానికి.. వాహనదారులకు RTA m-wallet యాప్‌ను అందుబాటులోకి తెచ్చింది. ఈ యాప్ ద్వారా వాహన యజమానులు వాహనానికి సంబంధించిన డ్రైవింగ్ లైసెన్స్, ఆర్సీ, ఇతర పత్రాల కోసం దరఖాస్తు చేసుకోవచ్చు. రిజిస్ట్రేషన్ సర్టిఫికెట్ డౌన్లోడ్ చేసుకోవడానికి మీరు ఈ యాప్‌ని ఉపయోగించవచ్చు. హార్డ్ కాపీ బదులుగా.. వాహన యజమానులు ఈ డిజిటల్ కార్డ్‌ని చూపొచ్చు.
- ముందుగా మీ ఫోన్లో ప్లేస్టోర్‌ని తెరిచి, RTA m-wallet యాప్‌ని డౌన్లోడ్ చేసుకోండి.
- ఆపై మొబైల్ నంబర్, పేరు, మెయిల్ ఐడిని ఎంటర్ చేసి యాప్‌లో నమోదు చేసుకోండి.
- మొబైల్ నంబర్‌ని ఉపయోగించి మీ ఖాతాకు సైన్-ఇన్ చేసిన తర్వాత, మీకు OTP వస్తుంది.
- సైన్ ఇన్ చేసిన తర్వాత, మీ స్కాన్ చేసిన పత్రాలను అప్లోడ్ చేయాలి.
- స్క్రీన్పై రిజిస్ట్రేషన్ సర్టిఫికేట్ కనిపిస్తుంది.
- డౌన్లోడ్ చేయడానికి డౌన్లోడ్ ఎంపికపై క్లిక్ చేయండి.
- డౌన్లోడ్ అయిన తర్వాత దానిని సేవ్ చేసి పెట్టుకోండి.