How To Apply for Marriage Certificate in Telangana : మ్యారేజ్​ సర్టిఫికెట్​ కావాలా..? ఇలా ఈజీగా పొందండి!

How To Apply for Marriage Certificate in Telangana : ఈ రోజుల్లో వివాహ ధ్రువీకరణ పత్రం కంపల్సరీగా మారింది. పలు అవసరాలకు ఈ సర్టిఫికెట్ అనివార్యం. మరి, మీరు తీసుకున్నారా? లేదంటే మాత్రం.. ఇలా ఈజీగా పొందండి.

How To Apply Marriage Certificate In Telangana:ప్రతి ఒక్కరూ పెళ్లి వీడియోలు, ఫొటొలను భద్రంగా దాచుకుంటారు.. ఇదేవిధంగా.. మ్యారేజ్ సర్టిఫికెట్ కూడా జాగ్రత్తగా దాచుకోవాల్సిన కాలమిది. భవిష్యత్తులో ఎన్నో అవసరాలకు వివాహ ధ్రువీకరణ పత్రం అవసరం. కానీ.. చాలా మంది వివాహ ధ్రువపత్రాన్ని సీరియస్​గా తీసుకోవట్లేదు. మీరు మాత్రం అలా చేయకండి. వెంటనే సర్టిఫికెట్ తీసుకోండి. దీనికోసం ఏం చేయాలో.. ఇక్కడ తెలుసుకుందాం.

వివాహ ధ్రువీకరణ పత్రం కోసం అవసరమైన పత్రాలు.. (Documents Required for Marriage Certificate in Telangana:)

• దరఖాస్తు ఫారం (మీసేవా కేంద్రాల నుంచి తీసుకోవచ్చు. డౌన్ లోడ్ చేసుకోవచ్చు.)
• పాస్​పోర్ట్ సైజు ఫొటోలు
• వధువు, వరుడు అడ్రస్​ ప్రూఫ్​
• డేట్​ ఆఫ్​ బర్త్​ ప్రూఫ్​
• ఆధార్ కార్డ్
• వెడ్డింగ్ కార్డ్ ఒరిజినల్
• 1 లేదా 2 పెళ్లి ఫొటోలు
• ముగ్గురు సాక్షుల ఫొటోలు, సంతకాలు
• స్వీయ ధ్రువీకరణ పత్రాలు(Self Attested Documents)
• కుల ధ్రువీకరణ పత్రాలు

వివాహ ధ్రువీకరణ పత్రం పొందడానికి అర్హత ప్రమాణాలు (Eligibility Criteria to get the Marriage Certificate) :

• పురుషులకు 21 సంవత్సరాలు, స్త్రీలకు 18 సంవత్సరాలు నిండి ఉండాలి.
• ఎలాంటి పెనాల్టీ లేకుండా 90 రోజులలోపు దరఖాస్తు చేసుకోవడానికి అర్హులు.
• పెనాల్టీతో 90-150 రోజుల మధ్య అప్లై చేసుకోవచ్చు.
• హిందూ వివాహ చట్ట ప్రకారం దరఖాస్తు చేసుకుంటే రూ.100
• ప్రత్యేక వివాహ చట్ట ప్రకారం దరఖాస్తు చేసుకుంటే రూ.150

వివాహ ధ్రువీకరణ పత్రం కోసం ఎలా దరఖాస్తు చేయాలి (How to Apply Marriage Certificate in Telangana) :

ఆన్‌లైన్ దరఖాస్తు..

• తెలంగాణ రిజిస్ట్రేషన్ అండ్​ స్టాంప్ డిపార్ట్‌మెంట్​ అధికారక వెబ్​సైట్​ను ఓపెన్​ చేయండి (https://registration.telangana.gov.in)
• Browse సెక్షన్​లో MARRIAGE REGISTRATION ఆప్షన్​పై క్లిక్​ చేయండి.
• ఆ తర్వాత మీరు ఏ చట్టం ప్రకారం పెళ్లి చేసుకున్నారో ఆ ఆప్షన్​పై ఎంచుకోండి.(HINDU MARRIAGE REGISTRATION/ CHRISTIAN & MUSLIM MARRIAGE REGISTRATION/SPECIAL MARRIAGE ACT)
• అనంతరం HINDU MARRIAGE REGISTRATION పై క్లిక్​ చేస్తే మీకు పేజ్​ ఓపెన్​ అవుతుంది.
• ఆ పేజీని కిందకు స్క్రోల్​ చేస్తే..Go For Marriage Registration వస్తుంది. దానిని క్లిక్​ చేయాలి.
• User Login పేజీలో User Typeని సెలెక్ట్​ చేసి Citizen ను ఎంచుకోవాలి.
• ఆ తర్వాత New Users? Register ఆప్షన్​పై క్లిక్​ చేయాలి. అక్కడ వివరాలను ఎంటర్​ చేసి Register ఆప్షన్​పై క్లిక్​ చేయాలి.
• తర్వాత మీ ఫోన్​/ మెయిల్​కు వచ్చిన ఓటీపీని ఎంటర్​ చేసి.. వెరిఫై చేసుకోవాలి.
• ఆ తర్వాత మీకు స్క్రీన్​పై CITIZEN SERVICE DASHBOARD పేజీ ఓపెన్​ అవుతుంది.
• ఆ తర్వాత అక్కడ అన్ని వివరాలను ఎంటర్​ చేసి.. కావాల్సిన డాక్యుమెంట్లను అప్​లోడ్​ చేయాలి.
• అన్ని వివరాలను ఎంటర్​ చేసిన తర్వాత Submit బటన్​పై క్లిక్​ చేయాలి.
• అనంతరం ఫీజును చెల్లించాలి.
• దరఖాస్తు సమర్పించిన తర్వాత, అధికారులు పత్రాలను ధ్రువీకరించి, అన్నీ సక్రమంగా ఉంటే, వారు వివాహ ధ్రువీకరణ పత్రాన్ని జారీ చేస్తారు.

ఆఫ్‌లైన్ అప్లికేషన్ కోసం..

• మీరు సబ్-రిజిస్ట్రార్ కార్యాలయాన్ని సందర్శించి దరఖాస్తు ఫారమ్‌ను పొందాలి.
• ఫారమ్‌లో అన్ని వివరాలను ఫిల్​ చేసి.. అవసరమైన పత్రాలను సమర్పించండి. అలాగే ఫీజు చెల్లించండి.
• సమర్పించిన తర్వాత, అధికారులు పత్రాలను ధ్రువీకరిస్తారు.
• అన్నీ సక్రమంగా ఉంటే, వారు వివాహ ధ్రువీకరణ పత్రాన్ని జారీ చేస్తారు.

తెలంగాణలో వివాహ ధ్రువీకరణ పత్రం పొందడానికి ఎంత సమయం పడుతుంది?

• 2 లేదా 3 రోజులు

Marriage Certificate Validity:

• వివాహ ధ్రువీకరణ పత్రం జీవితకాలం చెల్లుబాటు అవుతుంది.

గమనిక: తెలంగాణ రాష్ట్రంలో వివాహ ధ్రువీకరణ పత్రం పొందడానికి మీరు తప్పనిసరిగా సబ్ రిజిస్ట్రార్ కార్యాలయాన్ని సందర్శించాలి.