'హాస్టల్​ గోడ కూలి ముగ్గురికి తీవ్రగాయాలు'

ఓ లేడీస్ హాస్టల్ గోడ కూలి ముగ్గురికి తీవ్ర గాయాలైన ఘటన హైదరాబాద్ మాదాపూర్​లో జరిగింది. క్షతగాత్రులను ఆసుపత్రికి తరలించారు.

హైదరాబాద్​ మాదాపూర్​లోని పత్రికానగర్​లో ఉన్న ఓ​ వర్కింగ్ ఉమెన్స్ హాస్టల్ ప్రహరీ కూలి ముగ్గురు తీవ్రంగా గాయపడ్డారు. హాస్టల్​ పక్కన భవన నిర్మాణం కోసం సెల్లార్ గోతులు తవ్వుతుండగా ఈ ఘటన జరిగినట్లు బాధితులు తెలిపారు.

గాయపడిన వారిని చికిత్స కోసం ప్రైవేట్ ఆసుపత్రికి తరలించారు. ఒక మహిళ పరిస్థితి విషమంగా ఉన్నట్లు వైద్యులు తెలిపారు. హాస్టల్​లో ఉన్న 70 మందిని జీహెచ్​ఎంసీ అధికారులు ఖాళీ చేయించారు. బాధితుల ఫిర్యాదుతో కేసు నమోదు చేసుకుని దర్యాప్తు చేస్తున్నట్లు పోలీసులు వెల్లడించారు.

ఇదీ చూడండి :కారు నుజ్జు నుజ్జు.. సాఫ్ట్​వేర్​ ఇంజినీర్​ ఫ్యామిలీ సేఫ్.!