ముస్లిం సోదరులు ప్రత్యేక శ్రద్ధతో బక్రీద్​ జరుపుకోవాలి: మహమూద్​ అలీ

బక్రీద్ పండగ ఏర్పాట్లపై జీహెచ్​ఎంసీ అధికారులతో హోంమంత్రి మహమూద్​ అలీ సమీక్ష నిర్వహించారు. కరోనా పరిస్థితుల దృష్ట్యా ముస్లిం సోదరులు ప్రత్యేక శ్రద్ధ వహించి పండుగను జరుపుకోవాలని సూచించారు.

బక్రీద్​ పండగ ఈ సంవత్సరం ప్రత్యేక పరిస్థితుల మధ్య జరగనుందని హోం మంత్రి మహమూద్​ అలీ పేర్కొన్నారు. కరోనా పరిస్థితుల దృష్ట్యా ముస్లిం సోదరులు ప్రత్యేక శ్రద్ధ వహించి.. పండుగ జరుపుకోవాలని సూచించారు. ఇళ్లలోనే ప్రార్థనలు చేసుకోవాలని.. అక్కడ కూడా భౌతిక దూరం, మాస్కులు ధరించడం విధిగా పాటించాలని కోరారు.

ఆగస్టు 1న జరగనున్న బక్రీద్ పండగ ఏర్పాట్లపై జీహెచ్ఎంసీ కమిషనర్ లోకేశ్​కుమార్, జోనల్ కమిషనర్లతో మంత్రి సమీక్షించారు. పండగ సందర్భంగా బలిచ్చే జంతువుల వ్యర్థాలను ఎప్పటికప్పుడు తొలగించేందుకు జీహెచ్ఎంసీ తగిన ఏర్పాట్లు చేసిందని కమిషనర్ లోకేశ్​కుమార్ మంత్రికి వివరించారు. వీటి కోసం ప్రత్యేక వాహనాలు, అదనపు సిబ్బందిని నియమించామని తెలిపారు.

వర్షాలు కురుస్తున్న ప్రస్తుత తరుణంలో వ్యర్థాలను తొలగించే ప్రక్రియలో జీహెచ్ఎంసీ సిబ్బందికి ముస్లిం సోదరులు సహకరించాలని మంత్రి కోరారు.