కేసీఆర్‌ సచివాలయానికి వెళ్తే కదా... ఎన్ని నిధులు వచ్చాయో తెలిసేదని కేంద్ర హోంశాఖ మంత్రి అమిత్ షా చురకలంటించారు. గల్లీ ఎన్నికలు అనేవారు గల్లీలను ఎందుకు బాగు చేయలేదని ఆయన ప్రశ్నించారు. జీహెచ్ఎంసీ ఎన్నికల సందర్భంగా భాజపా రాష్ట్ర కార్యాలయంలో ఆయన మీడియా సమావేశం నిర్వహించారు.
తనకు స్వాగతం పలికిన హైదరాబాద్ ప్రజలకు అమిత్షా ధన్యవాదాలు తెలిపారు. హైదరాబాద్ మేయర్‌ పీఠం భాజపాదేనని ధీమా వ్యక్తం చేశారు. భాజపాకు అవకాశమిస్తే అవినీతిని పారద్రోలుతామన్న ఆయన... మేకిన్ ఇండియా ఫలాలు హైదరాబాద్లో కనిపిస్తున్నాయన్నారు.