ఒకవైపు కరోనా మహమ్మారి, మరోవైపు లాక్ డౌన్తో ఉపాధి కరువై తీవ్ర ఇబ్బందులు ఎదుర్కొంటున్న రోజువారి కార్మికులకు విద్యార్థుల బృందం నిత్యవసర సరుకుల పంపిణీకి శ్రీకారం చుట్టింది. బీటెక్ చదువుతున్న సమయంలో 70 మంది విద్యార్థులు హెచ్ఎన్ఎన్ ఫౌండేషన్గా (HNN Foundation) ఏర్పడి గతేడాది నుంచి కరోనా బాధితులకు, ఉపాధి కరవైన కార్మికులకు తమకు తోచిన సహాయాన్ని అందిస్తూ సమాజానికి ఆదర్శంగా నిలుస్తున్నారు.
గతేడాది నుంచి..
ఈ ఫౌండేషన్ సభ్యులు గతేడాది నుంచి నిత్యవసర సరుకులు, చలితో బాధపడుతూ రోడ్లపై నిద్రించేవారికి దుప్పట్ల పంపిణీ, అభాగ్యులకు అన్నదానం, కార్మికులకు నిత్యావసర సరుకుల పంపిణీ చేస్తున్నారు. ప్రభుత్వం లాక్డౌన్ విధించడంతో రోజువారి కార్మికుల జీవనం దుర్భరంగా మారిందని గ్రహించి నిత్యవసర సరుకుల పంపిణీకి శ్రీకారం చుట్టినట్లు ఫౌండేషన్ అధ్యక్షుడు సాయి వికాస్ తెలిపారు. ఆన్లైన్లో విద్యనభ్యసించే నిరుపేద విద్యార్థులకు స్మార్ట్ ఫోన్లు, అవసరమైన విద్యార్థులకు లాప్టాప్లను కూడా పంపిణీ చేశామని వివరించారు.
హైదరాబాద్ కవాడిగూడలో ఈ ఫౌండేషన్ దాదాపు 200 మంది రోజువారి కార్మికులకు 7 రకాల నిత్యావసర సరుకుల పంపిణీ చేసింది. విద్యార్థి దశ నుంచే సమాజ సేవ చేయడం తమకు ఎంతో సంతృప్తికరంగా ఉందని ఫౌండేషన్ ప్రతినిధి భవ్య తెలిపారు. విద్యార్థులకు సమైక్యంగా నిర్మాణాత్మక కార్యక్రమం చేసే సత్తా ఉందని పేర్కొన్నారు.
ఇదీ చుడండి: Eatala : హైదరాబాద్ చేరుకున్న ఈటల.. స్వాగతం పలికిన అనుచరులు