బతుకమ్మ, దసరా పండుగలకు ఊర్లకు పయనమైన జనాలతో ఎంజీబీఎస్, జేబీఎస్ ప్రయాణ ప్రాంగణాలు కిటకిటలాడుతున్నాయి. ఇప్పటికే ఆర్టీసీ అధికారులు ప్రత్యేక బస్సులు ఏర్పాటు చేశారు. ఈ దసరాకు 4,933 ప్రత్యేక బస్సులను నడుపుతున్నట్లు రంగారెడ్డి ఆర్.ఎం వరప్రసాద్ పేర్కొన్నారు. గత ఏడాది 4,900 బస్సులు నడిపితే ఈ ఏడాది 33 బస్సులు అదనంగా నడుపుతున్నామన్నారు. 4వ తేదీ నుంచి 7 వరకు అత్యధికంగా 3,236 బస్సులను నడుపుతున్నామన్నారు. 4న 749 బస్సులు, 5న 964 బస్సులు, 6న 712 బస్సులు, 7, 8 తేదీల్లో 72 బస్సులు నడుపుతున్నట్లు ఆర్టీసీ అధికారులు తెలిపారు. వీటిలో ఏపీకి 964 బస్సులను నడుపుతున్నామన్నారు. ఈ నెల 5 నుంచి కార్మికసంఘాలు సమ్మెలోకి వెళ్తున్నట్లు ప్రకటించిన దృష్ట్యా... ముందస్తు ప్రయాణాలు పెట్టుకుంటున్నట్లు ప్రజలు చెబుతున్నారు.
ముందస్తు ప్రయాణాలతో కిటకిటలాడుతోన్న బస్టాండ్లు