వాహనాల్లో వెళ్లలేం.. పడవలే గత్యంతరం..

వరుణుడి ప్రకోపానికి భాగ్యనగరం అల్లాడుతోంది. వరుసగా కురుస్తున్న భారీవర్షాలకు రోడ్లన్నీ చెరువులను తలపిస్తున్నాయి. సుమారు మోకాలు లోతు అడుగుల వరకు చేరిన నీటిలో వెళ్లేందుకు గ్రేటర్ సిబ్బంది పడవులు వినియోగిస్తున్నారు.

భారీవర్షంతో మల్కాజిగిరి ఈస్ట్ ఆనంద్ బాగ్, ఎన్​ఎమ్​డీసీ కాలనీ, రాజనగర్, పటేల్ నగర్​లో నాలాలు పొంగిపొర్లుతున్నాయి. రోడ్లపై సుమారు మోకాలు లోతు వరకు నీరు చేరడం వల్ల.. స్థానికులు భయాందోళనలకు గురవుతున్నారు. చాలావరకు ఇళ్లలోకి నీరు చేరడం వల్ల.. వారంతా భవనాల పైకి ఎక్కి తలదాల్చుకోవాల్సి వస్తోంది. వర్షాలు తమకు శాపంగా మారాయని స్థానికులు ఆవేదన వ్యక్తం చేస్తున్నారు.

పడవుల్లోనే వెళ్లాల్సిన పరిస్థితి..

ఉదయం గ్రేటర్ సిబ్బంది వారికి పాలు, మంచినీరు అందించారు. వీటిని ఇచ్చేందుకు అధికారులు పడవల్లో రావాల్సి వచ్చిందంటే పరిస్థితి అర్థం చేసుకోవచ్చు.

ఇవీ చూడండి;అల్వాల్​లో కాలు బయట పెట్టే అవకాశం లేదు...