ఆసియా ఉత్తమ వంద మంది శాస్త్రవేత్తల జాబితాలో హైదరాబాద్‌ కేంద్రియ విశ్వవిద్యాలయం(హెచ్‌సీయూ) ఆచార్యుడికి చోటు లభించింది. వర్సిటీలోని భౌతికశాస్త్రం విభాగం ఆచార్యుడు డాక్టర్ సురజిత్‌దారా ఈ గౌరవం పొందారు. 2016 నుంచి ఏటా ఆసియా శాస్త్రవేత్తల మ్యాగజైన్‌ ఆధ్వర్యంలో ఈ ఎంపికలు చేస్తున్నారు.
ఆసియా ఉత్తమ శాస్త్రవేత్తల్లో హెచ్‌సీయూ ఆచార్యుడు - ఆసియాలో బెస్ట్ 100 మంది శాస్త్రవేత్తల జాబితా
హైదరాబాద్‌ కేంద్రియ విశ్వవిద్యాలయం ప్రొఫెసర్కు అరుదైన గుర్తింపు లభించింది. ఆసియాలో బెస్ట్ 100 మంది శాస్త్రవేత్తల జాబితాలో ఆయన చోటు సంపాదించారు. ప్రస్తుతం డాక్టర్ సురజిత్‌దారా హెచ్‌సీయూలో భౌతికశాస్త్రం విభాగం ప్రొఫెసర్గా కొనసాగుతున్నారు.
ఆసియా ఉత్తమ శాస్త్రవేత్తల్లో హెచ్‌సీయూ ఆచార్యుడు
చోటు దక్కించుకోవాలంటే శాస్త్రవేత్త అంతకు ముందు ఏడాదిలో జాతీయ లేదా అంతర్జాతీయ పురస్కారం దక్కించుకోవడంతోపాటు శాస్త్ర పరిశోధన రంగంలో ఆవిష్కరణలు చేసుండాలి. ఇటీవల డా.సురజిత్‌దారా శాస్త్ర, సాంకేతిక విభాగంలో ప్రతిష్ఠాత్మక శాంతిస్వరూప్‌ భట్నాగర్‌ అవార్డు-2020ను దక్కించుకున్నారు. 2015లో స్వర్ణ జయంతి ఫెలోషిప్‌ అవార్డు, 2013లో వర్సిటీ కులపతి అవార్డు, 2012లో భారత భౌతికశాస్త్ర సంఘం నుంచి ఎన్‌ఎస్‌ సత్యమూర్తి మెమోరియల్‌ అవార్డులను కూడా అందుకున్నారు.
ఇదీ చూడండి:మే 31వరకు ఎర్లీ బర్డ్ పథకం గడువు పొడిగింపు