చిరు వ్యాపారులకు సరుకుల పంపిణీ

కరోనా వ్యాప్తి నివారణకు విధించిన లాక్​డౌన్​తో చిరు వ్యాపారులకు ఉపాధి కరవైంది. తినడానికి తిండి లేక ఆకలితో అలమటిస్తోన్న వారికి తెలంగాణ ఏరియా స్వదేశి జాగరన్ మంచ్ ఆధ్వర్యంలో నిత్యావసర సరుకులు అందజేశారు.

లాక్​డౌన్​తో ఉపాధి లేక ఇబ్బంది పడుతోన్న వలస కార్మికులు, చిరు వ్యాపారులకు తెలంగాణ ఏరియా స్వదేశీ జాగరన్ మంచ్ ఆధ్వర్యంలో నిత్యావసర సరుకులు అందజేశారు. హైదరాబాద్​ అంబర్​పేట్​లో రాజస్థాన్, ఒడిశా, ఛత్తీస్​గఢ్​ రాష్ట్రాల నుంచి వచ్చిన చిరు వ్యాపారుల ఇళ్లకు వెళ్లి సరుకులు పంపిణీ చేశారు.

లాక్​డౌన్​ వల్ల జీవనోపాధి కోల్పోయిన వారిని ఆదుకోవడానికి దాతలు, ప్రజాప్రతినిధులు ముందుకురావాలని జాగరన్ సభ్యులు కోరారు. కార్మికులంతా మరికొన్ని రోజులు సంయమనం పాటించి ప్రభుత్వానికి సహకరించాలని విజ్ఞప్తి చేశారు.