గ్రీన్ ఇండియా ఛాలెంజ్‌లో మొక్కలు నాటిన సినీ ప్రముఖులు

ఎంపీ జోగినిపల్లి సంతోశ్​ కుమార్ ప్రారంభించిన గ్రీన్ ఇండియా ఛాలెంజ్‌లో పలువురు సినీ, రాజకీయ ప్రముఖులు భాగస్వాములవుతున్నారు. సినీ పరిశ్రమకు చెందిన నిర్మాతలు, నటులు మొక్కలు నాటారు. సమాజహితం కోసం 'మా' అసోసియేషన్‌, తెలుగు సినిమా రంగం ఎప్పుడు ముందుంటుందని చెప్పారు.

రాజ్యసభ సభ్యులు సంతోశ్​‌ ప్రవేశపెట్టిన గ్రీన్‌ ఇండియా ఛాలెంజ్‌కు అన్ని వర్గాల నుంచి మంచి స్పందన లభిస్తోంది. ఈ కార్యక్రమంలో భాగంగా ఇప్పటికే 5 కోట్లకు పైగా మొక్కలను నాటారు. తాజాగా సినీ నిర్మాత కె.ఎస్ ​రామారావు, సంగీత దర్శకుడు ఆర్​.పి. పట్నాయక్‌, నిర్మాత రాజు, నటుడు శివాజీరాజా, బెనార్జీ, కిరణ్‌ తదితరులు జూబ్లిహిల్స్‌లో మొక్కలు నాటారు. భవిష్యత్‌ తరాలకు గ్రీన్‌ ఇండియాను అందించడమే లక్ష్యంగా ముందుకు సాగాలని వారు కోరారు.

ఇవీ చూడండి:9 నెలల్లో రూ.1.08 లక్షల కోట్లు విలువైన ఔషధ ఎగుమతులు