బ్రెయిన్‌ డెడ్‌ అయిన వ్యక్తి గుండె మార్పిడికి గ్రీన్‌ కారిడార్‌

ఓ వ్యక్తికి రెండు రోజుల క్రితం రోడ్డు ప్రమాదంలో గాయపడి.. బ్రెయిన్​డెడ్​ అయింది. మరో వ్యక్తికి గుండె మార్పిడి ఆపరేషన్​ చేయాలి. ఇరు కుటుంబాల అంగీకారంతో అతని గుండెను... మరో వ్యక్తికి అమర్చేందుకు అంతా సిద్ధం చేశారు. దీనికోసం నగరంలో గ్రీన్​ కారిడార్​ ఏర్పాటు చేశారు.

సికింద్రాబాద్​లోని యశోద ఆసుపత్రిలో బ్రెయిన్​డెడ్​ అయిన ఓ వ్యక్తి నుంచి గుండె మార్పిడి ఆపరేషన్​ అవసరం ఉన్న వ్యక్తి నాంపల్లి కేర్​ ఆసుపత్రిలో ఉన్నాడు. ఆ వ్యక్తి కోసం గ్రీన్​ కారిడార్ ఏర్పాటు చేశారు.

అసలేం జరిగిందంటే...

రోడ్డు ప్రమాదంలో మృతి చెందిన మీర్​పేటకు చెందిన కిరణ్​కుమార్​ అనే వ్యక్తి గుండెను కేర్​ ఆసుపత్రిలో ఉన్న మరో వ్యక్తికి అమర్చేందుకు ఆసుపత్రి సిబ్బంది తీసుకెళ్లారు. గత రెండురోజుల క్రితం ఆసుపత్రికి వచ్చిన వ్యక్తి తీవ్ర గాయాలతో బ్రెయిన్​డెడ్​ అయ్యారు. ఇరు కుటుంబ సభ్యుల వారు అంగీకరించడంతో వారి అవయవాలను అతనికి అమర్చేందుకు సిద్ధమయ్యారు.

గ్రీన్​ కారిడార్​:

ఇవాళ సికింద్రాబాద్​ నుంచి నాంపల్లికి గుండె, ఇతర అవయవాలను తరలించారు. అన్ని రకాల అనుమతులు తీసుకున్న అనంతరం అవయవ మార్పిడి కోసం తరలించినట్లు ఆసుపత్రి వర్గాలు స్పష్టం చేశాయి. దారిపొడవునా ఎలాంటి ఆటంకం లేకపోవడం వల్ల అంబులెన్స్​ను వేగంగా నాంపల్లి కేర్​ ఆసుపత్రికి తరలించారు.

ఇవీ చూడండి: చర్లపల్లి పారిశ్రామికవాడలో భారీ అగ్ని ప్రమాదం