19:04 December 03
గ్రేటర్లో తెరాసకే పట్టం కట్టిన ఎగ్జిట్ పోల్స్
జీహెచ్ఎంసీ ఎన్నికల్లో ఎగ్జిట్ పోల్ ఫలితాలు వెలువడ్డాయి. బల్దియా పోరులో తెరాస అత్యధిక సీట్లను కైవసం చేసుకుంటుందని ఆరా సంస్థ సీఈవో అండ్ ఎండీ షేక్ మస్తాన్ వెల్లడించారు. తర్వాత స్థానం ఎంఐఎం, మూడో స్థానంలో భారతీయ జనతాపార్టీ ఉంటుందని వివరించారు. తమసంస్థ జీహెచ్ఎంసీ పోలింగ్పై తక్కువ సమయంలో ఎక్కువ మందితో ఎక్కువ శాంపిల్స్ సేకరించి సర్వే చేసినట్లు పేర్కొన్నారు.
తెరాస, భాజపా మధ్య 9 శాతం ఓట్ల వ్యత్యాసం
వరదల తర్వాత 10వేలు రూపాయలు పంచడం తెరాసకు నష్టాన్ని చేకూర్చిందని షేక్ మస్తాన్ పేర్కొన్నారు. గత హామీలు నేరవేర్చలేదని ఓటర్లు చెప్పారని... విద్యార్థులు, యువకులు తెరాసకు దూరమయ్యారని తెలిపారు. అభివృద్ధి సంక్షేమ పథకాలకు ఆకర్షితులైన వాళ్లు ఓటు బ్యాంకుగా ఉన్నారని స్పష్టం చేశారు. తెలంగాణ వాదంతో ఏకీభవించిన వారు దూరమయ్యారని పేర్కొన్నారు. తాము సర్వేను ప్రి పోల్ రెండు సార్లు వెయ్యిమందిని చేశామని వివరించారు. 54 వేల ఎగ్జిల్ పోల్, పోస్ట్‌ పోల్ కలిపి చేసినట్లు వివరించారు.
గ్రేటర్లో తెరాస అత్యధిక స్థానాలు కైవసం చేసుకుంటుందని జన్‌కీ బాత్ ఎగ్జిట్‌పోల్ వెల్లడించింది. తర్వాత స్థానం ఎంఐఎం, మూడో స్థానంలో భాజపా ఉంటుందని పేర్కొంది.
