'నారాయణగూడలో అంబరాన్నంటిన సదర్ సంబురాలు'

భారీ జనసందోహం మధ్య నిర్వహించిన సదర్ వేడుకలు హైదరాబాద్ నారాయణగూడలో అట్టహాసంగా జరిగాయి.

హైదరాబాద్ నారాయణగూడలో సదర్ వేడుకలు అంబరాన్నంటాయి. వేడుకల్లో దున్నరాజుల విన్యాసాలు ఆకట్టుకోగా... డీజే మోతలు, దుమ్మురేగే డాన్సులతో యువత హోరెత్తించింది. ఈ వేడుకల్లో కేంద్ర మంత్రి కిషన్​రెడ్డి, మంత్రి తలసాని శ్రీనివాస్ యాదవ్, మేయర్ బొంతు రామ్మోహన్ దంపతులు, అంజన్ కుమార్ యాదవ్ తదితరులు పాల్గొన్నారు. సింగిల్ యూజ్‌డ్ ప్లాస్టిక్ వాడకం పూర్తిగా నిలిపేయాలని కేంద్ర హోంశాఖ మంత్రి కిషన్ రెడ్డి పిలుపునిచ్చారు. ప్లాస్టిక్​ను పశువులు తినడం వల్ల వాటి కడుపుల్లో ప్లాస్టిక్ పేరుకుపోతోందని ఆవేదన వ్యక్తం చేశారు. పశువులను కాపాడుకోవాల్సిన బాధ్యత మనందరిపై ఉందన్నారు.

ఇవీ చూడండి : 'కార్మికుల పట్ల కేసీఆర్​ నియంతలా వ్యవహరిస్తున్నారు'