వైభవంగా గోవిందరాజస్వామి బ్రహ్మోత్సవాలు...

తిరుపతిలో గోవిందరాజస్వామి వార్షిక బ్రహ్మోత్సవాలు కన్నులపండువగా జరుగుతున్నాయి. ఐదో రోజున స్వామి మోహినీ అవతారంలో భక్తులకు దర్శనమిచ్చారు.

తిరుపతిలో గోవిందరాజస్వామి వార్షిక బ్రహ్మోత్సవాలు వైభవంగా కొనసాగుతున్నాయి. ఐదో రోజున స్వామి మోహినీ అవతారంలో దర్శనమిచ్చారు. పల్లకిపై సుందరంగా ముస్తాబై ఆశీనులైన స్వామివారు.. మోహినీ అవతారంలో భక్తులకు అభయమిచ్చారు. కొవిడ్ -19 వ్యాప్తి నేప‌థ్యంలో.. ఆల‌యంలో ఏకాంతంగా వాహ‌న‌సేవ నిర్వహించారు.

వైదిక కార్యక్రమాలను శాస్త్రోక్తంగా నిర్వహించిన అర్చకులు.. వాహన సేవ అనంతరం ఉత్సవ వరులకు స్నపన తిరుమంజనం ఘట్టాన్ని వేడుకగా చేశారు. సాయంత్రం 5.30 నుంచి 6 గంటల వరకు గ‌రుడ‌వాహనంపై స్వామి దర్శనమిస్తారు.

ఇదీ చదవండి:సీఎం ఆదేశాలతో రాష్ట్రంలో మరింత కఠినంగా లాక్​డౌన్​ అమలు