బోయిన్పల్లి మార్కెట్ తరహాలో ఇళ్లు, కార్యాలయాల్లో కూడా బయో గ్యాస్‌ ప్లాంట్లను ఏర్పాటు చేసుకోవాలని గవర్నర్ తమిళిసై సౌందరరాజన్ ఉద్భోదించారు. కూరగాయల వ్యర్థాలతో విద్యుత్, బయోగ్యాస్ ఎరువు తయారీ బాగుందని గవర్నర్ కొనియాడారు. మన్‌కీ బాత్లో జాతినుద్దేశించి మోదీ చేసిన ప్రసంగంలో బోయిన్పల్లి బయోగ్యాస్ ప్లాంటు గురించి ప్రస్తావించారని... రాష్ట్రానికి గర్వకారణమని తమిళి సై పేర్కొన్నారు.
సికింద్రాబాద్‌ బోయిన్పల్లి వ్యవసాయ మార్కెట్ యార్డును గవర్నర్ ఇవాళ సందర్శించారు. వ్యవసాయ శాఖ కార్యదర్శి జనార్దన్ రెడ్డి గవర్నర్‌కు స్వాగతం పలికారు. సీఎస్‌ఐఆర్‌-ఐఐసీటీ ఆధ్వర్యంలో ఏర్పాటు చేసిన ప్లాంట్‌లో గవర్నర్ కలియతిరిగారు.