'హైదరాబాద్​ అభివృద్ధికి ప్రాముఖ్యతనిస్తున్న ప్రభుత్వం'

హైదరాబాద్ అభివృద్ధికి ప్రభుత్వం అత్యంత ప్రాముఖ్యతనిస్తోందని నగర మేయర్ బొంతు రామ్మోహన్ అన్నారు. నగరాభివృద్ధికి నిధులు కేటాయించడంపై హర్షం వ్యక్తం చేస్తూ జీహెచ్​ఎంసీ కార్యాలయంలో సీఎం చిత్రపటానికి పాలాభిషేకం చేశారు.

భాగ్యనగరాన్ని అన్ని రంగాల్లో అభివృద్ధి చేయాలంటే రూ.50 వేల కోట్లు అవసరమని... మొదటగా రూ.10వేల కోట్లు బడ్జెట్‌లో కేటాయించారని మేయర్ బొంతు రామ్మోహన్​ తెలిపారు. హైదరాబాద్ అభివృద్ధికి నిధులు కేటాయించడంపై సంతోషం వ్యక్తం చేస్తూ జీహెచ్​ఎంసీ కార్యాలయంలో సీఎం చిత్రపటానికి క్షీరాభిషేకం చేశారు.

నగరంలో బస్తీ దవాఖాలను 350కి పెంచబోతున్నామని... ఇప్పటి వరకు 25వేల రెండు పడకల ఇళ్లు సిద్ధమయ్యాయని... మరో 40వేల ఇళ్ల నిర్మాణం చివరి దశలో ఉన్నాయని మేయర్​ వెల్లడించారు. అక్షరాస్యత పెంచేందుకు కృషి చేస్తున్నట్లు పేర్కొన్నారు. బల్దియాలో ముందస్తు ఎన్నికలు వచ్చే అవకాశం లేదని ఆయన స్పష్టం చేశారు.

ఇదీ చూడండి:అపోలో ఆస్పత్రిలో చేరిన దత్తాత్రేయ