లాక్డౌన్ కారణంగా ఆలయాలకు వెళ్లలేకపోతున్నామని బాధపడాల్సిన అవసరం లేదు. ఎందుకంటే తెలంగాణ ఐటీశాఖ రూపొందించిన ఓ యాప్ ద్వారా మీకు ఇష్టమైన ఆలయాల్లో పూజలు చేయించుకోవచ్చు. ఇందుకోసం ప్రత్యేకంగా ప్లేస్టోర్‌లో టీ యాప్ ఫోలియోను రూపొందించారు. మొదటగా ప్రయోగాత్మకంగా సికింద్రాబాద్లోని ఉజ్జయినీ మహంకాళీ దేవాలయం, కర్మాన్‌ఘాట్‌లోని ధ్యానాంజనేయస్వామి దేవాలయంలో ఆన్లైన్ సేవలను ప్రారంభించినట్లు కర్మాన్‌ఘాట్ దేవాలయం ఈవో అన్నపూర్ణ తెలిపారు.
ఇకపై ఆన్లైన్లో ఆర్జిత సేవలు
యాప్ ద్వారా కోరుకున్న దేవాలయాల్లో పూజలు నిర్వహించేలా తెలంగాణ ఐటీ శాఖ వెసులుబాటు కల్పిస్తోంది. యాప్ డౌన్లోడ్ చేసుకున్న వాళ్లు ఆర్జిత సేవను ఓపెన్ చోసి వివరాలు నమోదు చేసుకునే సౌలభ్యాన్ని కల్పిస్తున్నారు.
ఇకపై ఆన్లైన్లో ఆర్జిత సేవలు
గూగుల్‌ ప్లేస్టోర్ నుంచి యాప్‌ను డౌన్లోడ్ చేసుకుంటే అందులో దేవాలయాల వివరాలు ఉంటాయని ఆమె తెలిపారు. కావాల్సిన ఆలయాల్లో ఆర్జిత సేవను ఓపెన్ చేసి వివరాలు నమోదు చేయాలన్నారు. దీని ఆధారంగా ఆయా దేవాలయాల్లో భక్తుల పేర్లతో వారు కోరుకున్న రోజున పూజలు నిర్వహిస్తామని అన్నపూర్ణ వివరించారు. ఆ వివరాలను తిరిగి వారి మొబైల్కు సమాచార రూపంలో అందిస్తామన్నారు.
ఇవీ చూడండి:కరోనా కాలం.. నయా పంథాలో సైబర్ నేరగాళ్లు