సీఎం కేసీఆర్​, మంత్రి శ్రీనివాస్​గౌడ్​ చిత్రపటాలకు నీరాభిషేకం

హైదరాబాద్​లో తెలంగాణ గౌడ ఐక్య సాధన సమితి సభ్యులు.. ముఖ్యమంత్రి కేసీఆర్​కు, మంత్రి శ్రీనివాస్​ గౌడ్​ చిత్రపటాలకు నీరాభిషేకం చేశారు. నీరాతో కరోనా వైరస్​ను నివారించవచ్చని తెలిపారు.

కరోనా వైరస్​ నివారణకు ప్రకృతి సహజ సిద్ధమైన నీరాను సేవించాలని... ప్రజలను తెలంగాణ గౌడ ఐక్య సాధన సమితి కోరింది. ఔషధ గుణాలున్న నీరాను ప్రతి ఒక్కరూ.. సేవించి ఆరోగ్యాన్ని కాపాడుకోవాలని సమితి అధ్యక్షుడు అంబాల నారాయణ గౌడ్​ కోరారు.

రాష్ట్ర ప్రభుత్వం నీరా చట్టం తీసుకురావడాన్ని హర్షిస్తూ... మంత్రి శ్రీనివాస్​ గౌడ్​ జన్మదిన సందర్భంగా హైదరాబాద్ బషీర్​బాగ్​ కూడలిలో ముఖ్యమంత్రి కేసీఆర్​, మంత్రి శ్రీనివాస్​ గౌడ్​ చిత్రపటాలకు నీరాభిషేకం చేశారు.

ఈ సందర్భంగా పలువురికి నీరాను ఉచితంగా పంపిణీ చేశారు. ఇతర రాష్ట్రాల్లో నీరాను ఏ విధంగా సరఫరా చేస్తుందనే అంశంపై ఇప్పటికే పూర్తి స్థాయిలో ప్రభుత్వం అధ్యయనం చేసిందని... త్వరలోనే తెలంగాణలో నీరాను ప్రవేశపెడుతుందని ఆయన పేర్కొన్నారు.

ఇదీ చదవండి:మహారాష్ట్రకు కరోనా గండం- నాగ్​పుర్​లో 144 సెక్షన్​