శంషాబాద్ విమానాశ్రయంలో అక్రమంగా బంగారం తరలిస్తున్న ఫిరోజ్‌ఖాన్‌ అనే ప్రయాణికుడిని కస్టమ్స్‌ అధికారులు అరెస్ట్‌ చేశారు. గురువారం ఉదయం 8.30 గంటలకు దుబాయ్‌ నుంచి హైదరాబాద్‌కు ఫిరోజ్‌ బంగారం తీసుకువచ్చాడు. సమాచారం అందుకున్న పోలీసులు శంషాబాద్లో అతనిని అదుపులోకి తీసుకుని తనిఖీలు నిర్వహించారు. ట్రాలీ బ్యాగ్లో సిల్వర్ పూతతో కూడిన పసిడిని గుర్తించి స్వాధీనం చేసుకున్నారు. కోటింగ్‌తో ఉన్న బంగారం.. వేరు చేసిన తరువాత 1.11 కిలోలు ఉన్నట్లు కస్టమ్స్‌ డిప్యూటీ కమిషనర్‌ రవి తెలిపారు.
బంగారం స్వాధీనం