అప్రమత్తమైన కార్పొరేటర్లు.. డివిజన్లలో శానిటైజేషన్

జీహెచ్​ఎంసీలో కొవిడ్​ సెకండ్​ వేవ్​ నేపథ్యంలో స్థానిక కార్పొరేటర్లు అప్రమత్తమయ్యారు. కాలనీలలో బ్లీచింగ్‌ పౌడర్​ వంటివి చల్లుతూ కొవిడ్​ కట్టడికి చర్యలు తీసుకుంటున్నారు.

హైదరాబాద్ నగరంలో కరోనా కేసులు పెరుగుతున్న నేపథ్యంలో.. స్థానిక కార్పొరేటర్లు అప్రమత్తమయ్యారు. గన్ ఫౌండ్రి డివిజన్ కార్పొరేటర్ డా.సురేఖ.. బల్దియా అధికారులతో కలిసి కాలనీల్లో శానిటైజ్​ చేయించారు. డివిజన్​లో పది రోజులుగా కరోనా కేసులు అధికంగా నమోదవుతుండటం ఆందోళనకు గురి చేస్తోందన్నారు. రెండు రోజుల వ్యవధిలో నలుగురు మృతి చెందారంటూ ఆమె ఆవేదన వ్యక్తం చేశారు.

జీహెచ్ఎంసీ అధికారులు.. వైరస్​ కట్టడికి ఎన్నో చర్యలు చేపడుతున్నారని సురేఖ వివరించారు. ప్రజలంతా అందుకు సహకరించాలని కోరారు. కొవిడ్ నిబంధనలు పాటిస్తూ.. అవసరమైతే తప్ప బయటకు రావొద్దని ఆమె విజ్ఞప్తి చేశారు.

ఇదీ చదవండి:కరోనా వేళ ... ఆటోవాలా ఔదార్యం