హైదరాబాద్ డిప్యూటీ మేయర్​కు సన్మానం

గ్రేటర్ హైదరాబాద్ డిప్యూటీ మేయర్​ బాబ ఫసుద్దీన్​ని ముస్లిం సంఘాల ఆధ్వర్యంలో సన్మానించారు. ఎన్​ఆర్సీ, సీఏఏ బిల్లులను వ్యతిరేకిస్తూ గ్రేటర్ హైదరాబాద్ కౌన్సిల్ సమావేశంలో తీర్మానించడంపై హర్షం వ్యక్తం చేశారు.

హైదరాబాద్​ బోరబండలో తెరాస పార్టీ కార్యాలయంలో జూబ్లీహిల్స్ నియోజకవర్గంలోని ముస్లిం సంఘాల ఆధ్వర్యంలో సంఘాల ప్రతినిధులు డిప్యూటీ మేయర్ బాబ ఫసుద్దీన్​ను సన్మానించారు. కేంద్రం తీసుకొచ్చిన ఎన్​ఆర్సీ, సీఏఏ బిల్లులను వ్యతిరేస్తూ.. జీహెచ్​ఎంసీ కౌన్సిల్లో తీర్మానించడం గర్వించదగ్గ విషయమని వారు కొనియాడారు. ఈ తీర్మానానికి హర్షం వ్యక్తం చేస్తూ.. తమ మద్దతు తెలుపుతున్నట్లు ప్రకటించారు.

ముస్లింలకు మనోధైర్యం కలిగించేందుకే కౌన్సిల్లో ఈ తీర్మానం చేసినట్లు డిప్యూటీ మేయర్ తెలిపారు. ముస్లింలు ఎవరికీ వ్యతిరేకం కాదని... హిందూ ముస్లింలు ఒక్కటేనన్నారు.

ఇదీ చూడండి: అమ్మ గురించి ఆలోచించండి!