'ఆరో విడత హరితహారంలో 50 లక్షల మొక్కలు నాటుతాం'

గ్రేట‌ర్ హైద‌రాబాద్ ప‌రిధిలో ఆరో విడత హరితహారంలో భాగంగా 50 లక్షలు మొక్కలు నాట‌నున్న‌ట్లు జీహెచ్ఎంసీ క‌మిష‌న‌ర్ లోకేశ్​ కుమార్ తెలిపారు. నగరంలోని అన్ని నర్సరీలలో మొక్కలు సిద్ధంగా ఉన్నాయని... వ‌ర్షాలు మొద‌ల‌వ్వ‌గానే నాటుతామ‌న్నారు.

ఆరో విడత హరితహారంలో భాగంగా గ్రేటర్​ హైదరాబాద్​ పరిధిలో 50 లక్షల మొక్కలు నాటుతామని జీహెచ్​ఎంసీ కమిషనర్​ లోకేశ్​కుమార్​ తెలిపారు. సూరారం, మాదన్నగూడ, నాదర్​గుల్​లో అర్బర్ ఫారెస్ట్ పార్కులు అభివృద్ధి చేస్తామ‌ని వెల్లడించారు.

న‌గ‌రంలోని కాలనీలు, అపార్ట్​మెంట్ వాసులు ఈ ఏడాది పెద్ద ఎత్తున మొక్కలు నాటాలని పిలుపునిచ్చారు. న‌గ‌రంలో రోజురోజుకూ కాలుష్యం పెరిగిపోతుంద‌ని.... మొక్క‌లు ఎక్కువ సంఖ్య‌లో పెంచి హరిత హైదరాబాద్​గా మార్చాల‌ని కోరారు. ప్రతి ఒక్కరూ తమవంతు బాధ్యతగా మొక్కలు నాటాలని సూచించారు.

ఇదీ చూడండి:ప్రైవేటు ఆస్పత్రుల్లో కరోనా పరీక్ష ధర రూ.2,200: మంత్రి ఈటల