'పార్టీలకతీతంగా డంపింగ్​యార్డు నిర్మాణాన్ని అడ్డుకోవాలి'

చిలకలగూడ మున్సిపల్ మైదానంలో చెత్త డంపింగ్ యార్డ్ నిర్మాణం పట్ల గ్రేటర్ హైదరాబాద్ భాజపా నేతలు నిరసన వ్యక్తం చేశారు. పార్టీ కార్యకర్తలతో కలిసి బండపల్లి డంపింగ్​యార్డును పరిశీలించి... నిర్మాణం ఆపాలని డిమాండ్​ చేశారు.

హైదరాబాద్​ చిలకలగూడలోని డంపింగ్​ యార్డు నిర్మాణాన్ని నిలిపేయాలని గ్రేటర్​ హైదరాబాద్​ భాజపా నేతలు డిమాండ్​ చేశారు. డంపింగ్​ యార్డును స్థానిక కార్యకర్తలతో పరిశీలించిన భాజపా నేతలు బండపల్లి సతీశ్​, సారంగపాని... నిర్మాణం నిలిపేయాలని కోరారు.

అధికారులు స్పందించి నిర్మాణం ఆపకపోతే... ఆదివారం నుంచి నిరాహార దీక్ష చేపడతామని హెచ్చరించారు. జనావాసాల మధ్య డంపింగ్ యార్డును ఏర్పాటు చేసి... ప్రజల ప్రాణాలతో చెలగాటం ఆడొద్దని... డిప్యూటీ స్పీకర్ పద్మారావు గౌడ్​కు విజ్ఞప్తి చేశారు. మైదానానికి ఆనుకొని స్థలంలో ఏర్పాటు చేసిన కల్లు కాంపౌండ్ వలన ప్రజలు తీవ్ర ఇబ్బంది పడుతున్నట్లు తెలిపారు. పార్టీలతీతంగా అందరూ కలసి డంపింగ్ యార్డు నిర్మాణానికి వ్యతిరేకంగా పోరాటం చేయడానికి ముందుకు రావాలని తెలిపారు.

ఇదీ చూడండి:గిరిజనులకు న్యాయం చేసేందుకు ఉద్యమం: బండి సంజయ్​