గ్యాస్​ సిలిండర్ పేలి.. ఆరుగురికి గాయాలు​

సికింద్రాబాద్​ వారసిగూడలోని ఓ ఇంట్లో గ్యాస్​ సిలిండర్​ పేలింది. ఈ ఘటనలో నలుగురు కుమార్తెలతో సహా దంపతులకు గాయాలయ్యాయి. వారిని స్థానికులు గాంధీ ఆస్పత్రికి తరలించాచరు.

సికింద్రాబాద్​ వారసిగూడలో తెల్లవారుజామున ఓ ఇంట్లో గ్యాస్​ సిలిండర్​ పేలింది. సిలిండర్ పేలుడు​ ధాటికి ఇంటి పైకప్పు పూర్తిగా ధ్వంసమైంది. గౌస్​, షబానా దంపతులు తమ నలుగురు కూతుర్లతో సహా ఇంట్లో నిద్రపోతున్న సమయంలో ఈ పేలుడు సంభవించడం వల్ల వారికి గాయాలయ్యాయి.

స్థానికులు హుటాహుటిన పోలీసులకు సమాచారం అందించి.. క్షతగాత్రులను గాంధీ ఆస్పత్రికి తరలించారు. ఘటనా స్థలానికి చేరుకున్న పోలీసులు క్లూస్​ టీం సహాయంతో గ్యాస్​ సిలిండర్​ పేలడానికి గల ఆధారాలను సేకరిస్తున్నారు.