హైదరాబాద్ కూకట్పల్లి ఐడియల్ చెరువు వద్ద గణేష్ నిమజ్జన కార్యక్రమాన్ని నగర డిప్యూటీ మేయర్ బాబా ఫసీయుద్దీన్, సైబరాబాద్ సీపీ సజ్జనార్ పరిశీలించారు. నిమజ్జనానికి చేసిన ఏర్పాట్లను గురించి అధికారులను అడిగి తెలుసుకున్నారు. ఇక్కడి చెరువు వద్ద బై.. బై.. గణేశా అంటూ భక్తులు భక్తి భావంతో విగ్రహాలను నిమజ్జనం చేశారు. మధ్యాహ్నం వరకూ 5 వేలకు పైగా విగ్రహాలను నిమజ్జనం చేశామని... ఈ సంఖ్య ఇంకా పెరగవచ్చని డిప్యూటీ మేయర్ ఫసీయుద్దీన్ తెలిపారు. సైబరాబాద్ పరిధిలో 11 వేల గణనాథుల నిమజ్జనాలు పూర్తయ్యాయని సీపీ సజ్జనార్ పేర్కొన్నారు. ప్రజలందరూ శాంతియుతంగా నిమజ్జన వేడుకల్లో పాల్గొనాలని సూచించారు.
నిమజ్జన క్రతువు పరిశీలించిన డిప్యూటీ మేయర్, సీపీ