బోయినపల్లిలో ఘనంగా గణేశుని శోభాయాత్ర
హైదరాబాద్ బోయినపల్లిలోని ఫ్రెండ్స్ యూత్ అసోసియేషన్ ఆధ్వర్యంలో ఏర్పాటు చేసిన వినాయకుడు అందరినీ ఆకట్టుకున్నాడు. నిమజ్జనం సందర్భంగా గణనాథునికి చేసిన అలంకరణ భక్తులకు కనువిందు చేసింది. మేళతాళాలు, డప్పు వాయిద్యాల నడుమ గణేశుని విగ్రహాన్ని ఊరేగించారు. ఏనుగులు, వేషధారులు, కుమారస్వామి, అయ్యప్ప స్వామి భారీ విగ్రహాలు ముందు వెళ్లగా వెనుక బొజ్జ గణపయ్యను నిమజ్జనానికి తరలించారు. చిన్నా,పెద్ద అనే తేడా లేకుండా ప్రతిఒక్కరూ నృత్యాలు చేస్తూ ఉత్సాహంగా కార్యక్రమంలో పాల్గొన్నారు. రకరకాల విద్యుత్ దీపాల అలంకరణలతో బోయినపల్లి వీధులు కాంతులు వెదజల్లాయి.