'గర్భిణి మృతిపై అవాస్తవాలు ప్రచారం చేయొద్దు'

గాంధీ ఆస్పత్రిలో ఓ గర్బిణీ మృతిపై అవాస్తవాలు ప్రచారం చేయడం తగదని సూపరింటెండెంట్ డాక్టర్ రాజారావు అన్నారు. ఆమె కొవిడ్​-19 పాజిటివ్​ వచ్చి శ్వాస తీసుకోవటంలో ఇబ్బంది పడుతూ మరణించినట్టు వెల్లడించారు. ఆమెను కాపాడటానికి అనేక మంది డాక్టర్లు కృషి చేశారని తెలిపారు.

గాంధీ ఆస్పత్రిలో కరోనా పాజిటివ్​తో మరణించిన గర్భిణీ కేసు షీట్​ను సూపరింటెండెంట్ డాక్టర్ రాజారావు బహిర్గతం చేశారు. గర్భిణీ మృతిపై అవాస్తవాలు ప్రచారం చేయటం బాధాకరమని వ్యాఖ్యానించారు. ఆమె విషయంలో ఎటువంటి నిర్లక్ష్యం జరగలేదన్నారు.

ఓ ప్రైవేట్ ఆస్పత్రి నుంచి కేసు రెఫర్ చేశారని, రాగానే ఐసీయూలో ఉంచి వైద్యం అందించినట్టు తెలిపారు. శ్వాస తీసుకోవటంలో ఆమె ఇబ్బంది పడ్డారని పేర్కొన్నారు. మెరుగైన వైద్యం అందించేందుకు అన్ని విభాగాల డాక్టర్లు కృషి చేశారని వివరించారు. పరిస్థితి ఆమె భర్త​తోపాటూ వారి కుటుంబసభ్యులకు తెలిపామని చెప్పారు. మా వద్ద అన్ని ఆధారాలు ఉన్నాయని పేర్కొన్నారు. ప్రాణాలు పణంగా పెట్టి 24 గంటలు పనిచేస్తున్నప్పటికీ.. ఇతర సమస్యలు ఉన్న కొవిడ్ రోగులు మరణిస్తున్నారని వెల్లడించారు.

ఇదీ చూడండి :రాష్ట్రంలో కొత్తగా 127 కరోనా పాజిటివ్ కేసులు