ఏపీలోని తిరుమల శ్రీవారి పరకామణి నూతన భవన నిర్మాణానికి తితిదే ఛైర్మన్ వైవీ. సుబ్బారెడ్డి భూమి పూజ చేశారు. వెంగమాంబ అన్నదాన భవనం సమీపంలో దాదాపు 15వేల చదరపు అడుగుల విస్తీర్ణంలో రూ. 8.90 కోట్ల రూపాయలతో ఈ భవనం నిర్మించనున్నారు. పశ్చిమగోదావరి తాడేపల్లిగూడెం నుంచి బెంగళూరు వెళ్లి స్థిరపడ్డ వ్యాపారి, శ్రీవారి భక్తుడు మురళీకృష్ణ .. పరకామణి భవన నిర్మాణానికి అయ్యే వ్యయాన్ని విరాళంగా అందచేసినట్లు ఛైర్మన్ తెలిపారు.
ఏపీ: తిరుమల శ్రీవారి పరకామణి భవనానికి భూమి పూజ - తిరుమల ఆలయం తాజా వార్తలు
ఆంధ్రప్రదేశ్లోని తిరుమల శ్రీవారి పరకామణి నూతన భవన నిర్మాణానికి తితిదే ఛైర్మన్ వైవీ. సుబ్బారెడ్డి భూమి పూజ చేశారు. దాదాపు రూ.8.90 కోట్ల వ్యయంతో ఈ భవనాన్ని నిర్మించనున్నారు. ఈ ఖర్చును శ్రీవారి భక్తుడు మురళీకృష్ణ విరాళంగా అందజేసినట్లు ఛైర్మన్ తెలిపారు.
ఏపీ: తిరుమల శ్రీవారి పరకామణి భవనానికి భూమి పూజ
శ్రీవారి ఆలయ ఆవరణలో ఉన్న పాత పరకామణి భవనంలో శ్రీవారి కానుకలు, హుండీ లెక్కింపునకు ఇబ్బందులు ఎదురవుతున్నందున అధునాతన భవనాన్ని నిర్మిస్తున్నామని వైవీ సుబ్బారెడ్డి తెలిపారు. 2 అంతస్థుల్లో నిర్మించనున్న నూతన భవనంలో హుండీ, విరాళాల లెక్కింపు ఒకే ప్రాంగణంలో నిర్వహించేలా ఏర్పాటు చేస్తామన్నారు. భక్తులు తాము స్వామివారికి సమర్పించుకొన్న కానుకల లెక్కింపు విధానాన్ని ప్రత్యక్షంగా వీక్షించేందుకు వీలుగా భవన నిర్మాణాలను రూపొందించినట్లు తెలిపారు. ఈ కార్యక్రమంలో దాత మురళీకృష్ణ, అదనపు ఈవో ధర్మారెడ్డి పాల్గొన్నారు.
ఇవీ చదవండి.. ప్రజల్లో అవగాహన.. మద్యం మాఫియాకు చెక్ పెట్టేందుకు ప్రత్యేక కార్యక్రమం