Formula E race in Hyderabad 2024 : ప్రపంచంలో ఉన్న రేసర్లంతా ఎంతో ఆసక్తిగా ఎదురుచూసే ఫార్ములా ఈ రేస్ (Formula E Race) వచ్చే ఏడాది కూడా అలరించేందుకు సిద్ధం అవుతోంది. ఈ మేరకు ఎఫ్ఐఏ వరల్డ్ మోటార్ స్పోర్ట్ కౌన్సిల్ సమావేశంలో నిర్ణయం తీసుకున్నారు. ఫార్ములా ఈ వరల్డ్ ఛాంపియన్‌షిప్ సీజన్ 10ను చాలా గ్రాండ్గా జరపనున్నట్లు నిర్వాహకులు తెలిపారు.
తెలంగాణ సంస్కృతి ఉట్టిపడేలా ఫార్ములా ఈ రేస్కు ఏర్పాట్లు.. బుక్ మై షోలో టిక్కెట్లు
అయితే ఫార్ములా ఈ రేస్ సీజన్ 10 హైదరాబాద్లోనూ జరగనున్నట్లు నిర్వాహకులు తెలిపారు.ఈ రేస్కు హైదరాబాద్ వేదిక కావడం ఇది రెండోసారి. ఈ ఏడాది ఫిబ్రవరిలో తొలిసారిగా ఫార్ములా ఈ రేస్ హైదరాబాద్లో జరిగిన విషయం తెలిసిందే. ఇప్పుడు మరోసారి ఈ రేస్కు భాగ్యనగరం ఆతిథ్యమివ్వడం పట్ల రేసర్లు ఆనందం వ్యక్తం చేస్తున్నారు. వచ్చే ఏడాది ఫిబ్రవరి 10వ తేదీన హైదరాబాద్లో ఈ రేస్ జరగనుందని నిర్వాహకులు ప్రకటించారు.
Formula E World Championship Season 10 : మరోవైపు ఫార్ములా ఈ రేస్ జరిగే సీజన్ 10 క్యాలెండర్ను మంత్రి కేటీఆర్ (KTR) గురువారం రోజున ఎక్స్ (ట్విటర్) వేదికగా పంచుకున్నారు. వచ్చే ఏడాది జనవరి 13 నుంచి జులై 21వ తేదీ వరకు ఫార్ములా ఈ రేస్ జరగనుందని చెప్పారు. ఈ మేరకు ఈనెల 19వ తేదీన జరిగిన ఎఫ్ఐఏ అంతర్జాతీయ మోటార్ స్పోర్ట్ కౌన్సిల్ సమావేశంలో నిర్ణయించారని పేర్కొన్నారు. మూడు ప్రధాన దేశాలైన చైనా, భారత్, యూఎస్ఏలలో ఈ రేసింగ్ జరుగనుందని కేటీఆర్ వివరించారు.