బొటానికల్ గార్డెన్​లో మొక్కలు నాటిన మంత్రి ఇంద్రకరణ్​ రెడ్డి

రాష్ట్రవ్యాప్తంగా ఆరో విడుత హరితహారం కార్యక్రమం జోరుగా సాగుతోంది. పల్లె, పట్టణాల్లో ప్రజలు పెద్ద ఎత్తున పాల్గొని మొక్కలు నాటుతున్నారు. హైదరాబాద్​ బొటానికల్ గార్డెన్​లో మంత్రి ఇంద్రకరణ్​ రెడ్డి మొక్కలు నాటారు.

ఆరో విడత హరితహారం కార్యక్రమంలో భాగంగా హైదరాబాద్ కొత్తగూడ బొటానికల్ గార్డెన్​లో అటవీ, పర్యావరణ శాఖ మంత్రి అల్లోల ఇంద్రకరణ్ రెడ్డి మొక్కలు నాటారు.

ఈ కార్యక్రమంలో ఎంపీ ప్రభాకర్ రెడ్డి, అటవీ అభివృద్ధి సంస్థ ఛైర్మన్ వంటేరు ప్రతాప్ రెడ్డి, పీసీసీఎఫ్‌ శోభ, ఎఫ్డీసీ ఎండీ రఘువీర్ తదితరులు పాల్గొన్నారు. అంతకుముందు లుంబిని గేటెడ్ కమ్యూనిటీలో ఎంపీ ప్రభాకర్ రెడ్డితో కలిసి మొక్కలు నాటారు.