అర్హులకు ఆర్థిక సాయం అందించాలని వరద బాధితుల ధర్నా

హైదరాబాద్​ అల్లాపూర్​ డివిజన్​లో వరద బాధితులు స్థానిక జీహెచ్​ఎంసీ కార్యాలయం ఎదుట ధర్నా చేశారు. ఇటీవల కురిసిన వర్షాలకు నష్టపోయిన వారికి అందించే ఆర్థిక సహాయం తమకు అందట్లేదంటూ నిరసన వ్యక్తం చేశారు.

హైదరాబాద్​ సనత్​నగర్​ పోలీస్​స్టేషన్​ పరిధిలోని అల్లాపూర్​ డివిజన్​లోని జీహెచ్​ఎంసీ వార్డు కార్యాలయం ఎదుట మహిళలు పెద్ద ఎత్తున ఆందోళన చేపట్టారు. వరద ముంపు బాధితులకు ప్రభుత్వం అందిస్తున్న రూ. 10 వేల ఆర్థిక సహాయం తమకు అందలేదని వారు ఆందోళన చేశారు.

అల్లాపూర్​ డివిజన్​లోని వివేకానందనగర్​, తదితర ప్రాంతాలకు చెందిన మహిళలు పెద్ద ఎత్తున చేరుకుని నిరసనలో పాల్గొన్నారు. ముఖ్యమంత్రి ప్రకటించిన ఆర్థిక సాయాన్ని అర్హులైన వారందరికీ అందించాలని డిమాండ్​ చేశారు. ఘటనాస్థలానికి చేరుకున్న పోలీసులు పరిస్థితిని అదుపులోకి తీసుకొచ్చారు.

ఇదీ చదవండి:వరద సాయం కోసం నగరంలో పలుచోట్ల బాధితుల ఆందోళన