ప్రతి మండలానికి ఒక ఫైర్ డిపార్ట్​మెంట్ ఉంది: హోంమంత్రి

అగ్నిమాపకశాఖ ఆధ్వర్యంలో నెక్లెస్ రోడ్​లో పీపుల్స్ ప్లాజా నుంచి 5కె సైకిల్​థాన్​ నిర్వహించారు. ఈ కార్యక్రమంలో హోంమంత్రి మహమూద్​ అలీ పాల్గొని... కేసీఆర్ చొరవతో ప్రతి మండలానికి ఇప్పుడు ఒక ఫైర్ డిపార్ట్​మెంట్ ఉందని తెలిపారు.

హైదరాబాద్​ నెక్లెస్​రోడ్​ పీపుల్స్ ప్లాజాలో 5కె సైకిల్​థాన్ నిర్వహించారు. అగ్నిమాపకశాఖ ఆధ్వర్యంలో నిర్వహించిన ఈ కార్యక్రమంలో హోంమంత్రి మహమూద్​ అలీ పాల్గొని జెండా ఊపి సైకిల్​థాన్ ప్రారంభించారు. ఈ ఫైర్ రైడ్ కార్యక్రమానికి విశేష స్పందన లభించిందని నిర్వాహకులు వెల్లడించారు. 1944 ఏప్రిల్ 14న ముంబయి విక్టోరియా డాక్ యార్డు నౌకలో జరిగిన అగ్నిప్రమాదంలో 66 మంది మృతి చెందిన ఘటనకు చిహ్నంగా... ఏప్రిల్​లో దేశవ్యాప్తంగా వారోత్సావాలు నిర్వహిస్తున్నట్లు తెలిపారు.

ముఖ్యమంత్రి కేసీఆర్ చొరవతో రాష్ట్రంలో ప్రతి మండలానికి ఒక ఫైర్ డిపార్ట్​మెంట్ ఏర్పాటు చేశారని హోంమంత్రి మహమూద్​ అలీ గుర్తుచేశారు. కర్తవ్య నిర్వహణలో ప్రాణాలు కోల్పోయిన అగ్నిమాపక దళ సిబ్బందికి నివాళులు అర్పించారు. సిబ్బంది పనితీరును కొనియాడారు. ఈ కార్యక్రమంలో ఫైర్ అధికారులు, రైడర్స్, అగ్నిమాపక విభాగం డీజీ సంజయ్ కుమార్ జైన్ పాల్గొన్నారు.

ఇదీ చూడండి:రూ.లక్షలు వసూలు చేసి.. చివరి క్షణంలో గాంధీకి..