కోకాపేటలోని నటుడు చిరంజీవి ఫాంహౌస్లో అగ్ని ప్రమాదం జరిగింది. వ్యవసాయ క్షేత్రంలో సైరా చిత్రం కోసం వేసిన సెట్టింగ్ మంటల్లో కాలిపోయింది. అకస్మాత్తుగా మంటలు చెలరేగడం వల్ల అప్రమత్తమైన సిబ్బంది మంటలను అదుపు చేసేందుకు యత్నిస్తున్నారు. ఘటనా స్థలికి చేరుకున్న అగ్నిమాపక సిబ్బంది మంటలు ఆర్పుతున్నారు. ప్రమాదానికి గల కారణాలు తెలియాల్సి ఉంది. ప్రమాదం కారణంగా షూటింగ్ నిలిచిపోయింది. ఇవాళ షూటింగ్లో పాల్గొనాల్సిన అమితాబచ్చన్ రద్దు చేసుకున్నారు. మూడు కోట్ల రూపాయల మేర ఆస్తినష్టం వాటిల్లినట్లు అంచనా వేస్తున్నారు.
మంటల్లో సైరా సెట్