బంజారాహిల్స్​ హ్యూందాయ్​ కారు షెడ్డులో స్వల్ప అగ్నిప్రమాదం

హైదరాబాద్​ బంజారాహిల్స్​ రోడ్​ నెంబర్​14లోని ఓ పాత హ్యూందాయ్​ కారు షెడ్డులో ఆకస్మాత్తుగా మంటలు చెలరేగాయి. అగ్నిమాపక సిబ్బంది సకాలంలో స్పందించగా... ఎటువంటి నష్టం జరగలేదు.

హైదరాబాద్​ బంజారాహిల్స్​ రోడ్ నెంబర్​ 14 లోని ఓ పాత హ్యూందాయ్​ కారు షెడ్డులో అగ్నిప్రమాదం జరిగింది. గమనించిన స్థానికులు అగ్నిమాపక సిబ్బందికి సమాచారం అందించారు.

ఘటనాస్థలికి చేరుకున్న ఫైర్​ సిబ్బంది మంటలను అదుపు చేశారు. షార్ట్​ సర్క్యూటే ఈ ప్రమాదానికి కారణమని అధికారులు భావిస్తున్నారు. సకాలంలో అగ్నిమాపక అధికారులు రావడం వల్ల ఎలాంటి ప్రాణ, ఆస్తి నష్టం జరగలేదు.

• ఇవీ చూడండి:మహిళా భద్రతకు పోలీసుల సరికొత్త 'అస్త్రం'!