జరిమానా, సీజ్​ రెండు ఒకేసారి ఎలా విధిస్తారు..?

వాహనదారులపై జరిమానా, వాహనాల సీజ్​పై సమగ్ర వివరాలు సమర్పించాలని హెచ్​ఆర్సీ హైదరాబాద్​ సీపీని ఆదేశించింది. రెండు శిక్షలు విధించడంపై హైదరాబాద్​కు చెందిన వ్యక్తి చేసిన ఫిర్యాదుపై మానవ హక్కుల కమిషన్​ స్పందించింది.

లాక్​డౌన్​ వేళ బయటకు వస్తున్న వాహనదారులపై జరిమానాలు విధించడం, వాహనాలు జప్తు చేయడంపై హైదరాబాద్​ పోలీసు కమిషనర్​కు రాష్ట్ర మానవ హక్కుల కమిషన్​ నోటీసులు జారీ చేసింది. వాహనాల సీజ్​, జరిమానాలపై సమగ్ర వివరాలతో కూడిన నివేదికను మే 15లోగా తమకు సమర్పించాలని హెచ్ఆర్సీ ఆదేశించింది.

నిత్యావసరాల కోసం వాహనాలతో బయటకు వస్తే జరిమానాతో పాటు వాహనాలను జప్తు చేస్తున్నారంటూ హైదరాబాద్​కు చెందిన రవీందర్ అనే వ్యక్తి చేసిన ఫిర్యాదుకు హెచ్ఆర్సీ స్పందించింది.

ఇదీ చూడండి:భళా ఈశాన్య భారతం- కరోనా రహితంగా ఆ ఐదు రాష్ట్రాలు