హుజురాబాద్ ఎమ్మెల్యే ఈటల రాజేందర్ను(Etela Rajender) సినీ నటి పూనమ్ కౌర్ శుక్రవారం కలిశారు. గురునానక్ జయంతి సందర్భంగా ఆయన నివాసానికి వెళ్లిన పూనమ్.. ఈటల దంపతులను సన్మానించారు. ఎమ్మెల్యేగా గెలుపొందిన ఈటలకు శుభాకాంక్షలు తెలియజేశారు. ధర్మపోరాటం ఎల్లప్పుడూ గెలుస్తుందని ఈ సందర్భంగా ఆమె అభిప్రాయపడ్డారు. ఈటల రాజేందర్, పూనమ్ కౌర్, తుల ఉమ, గిరివర్థన్ రెడ్డి కలిసి శాంతికి చిహ్నంగా భావించే పావురాలను ఎగరవేశారు. ఆ ఫొటోలను ట్విటర్(poonam kaur twitter) వేదికగా ఆమె పంచుకున్నారు.
ఆ హ్యాష్ ట్యాగ్తో సంచలనం
నటి పూనమ్ కౌర్(Poonam Kaur tweet) పలు టాలీవుడ్ చిత్రాల్లో నటించి ప్రేక్షకుల ఆదరాభిమానాలు పొందారు. ఇటీవలె ఓ ప్రెస్ మీట్ ద్వారా పూనమ్ హాట్టాపిక్గా నిలిచారు. అయితే.. సామాజిక మాధ్యమాల్లో చురుగ్గా ఉండే పూనమ్(poonam kaur pawan kalyan twitter) చేసిన ఓ ట్వీట్ నెట్టింట వైరల్గా మారింది. ట్విట్టర్లో కొన్ని ఫొటోలు పోస్ట్ చేసిన పూనమ్.. 'పీకే లవ్' అని హ్యాష్ ట్యాగ్ జోడించారు. దీనిపై నెటిజన్లు భిన్నంగా స్పందించారు. సినీ నటుడు పవన్ కల్యాణ్ పేరు 'పీకే' కావడం, పూనమ్ కౌర్ షార్ట్ నేమ్ కూడా పీకే కావడం వల్ల ఈ పోస్ట్పై విభిన్న స్పందన వస్తోంది. నెటిజన్లను కన్ఫ్యూజ్ చేయడంలో పూనమ్ సఫలమయ్యారనే చెప్పాలి.