'ఒక్క కరోనా కేసూ నమోదు కాలేదు'

కరోనా వైరస్​ సోకకుండా జాగ్రత్తలు తీసుకోవడమే తప్ప, వ్యాధి సోకిన తర్వాత చికిత్స లేదని హైదరాబాద్​ ఫీవర్​ ఆస్పత్రి సూపరింటెండెంట్ శంకర్ తెలిపారు. రాష్ట్ర ప్రజలు అప్రమత్తంగా ఉండాలని, వ్యాధి లక్షణాలు కనిపిస్తే వెంటనే ఆస్పత్రికి రావాలని సూచించారు.

హైదరాబాద్​లో కరోనా వైరస్​ కలకలం రేపుతోంది. ఇప్పటికే ఆ వ్యాధి లక్షణాలున్నాయనే అనుమానంతో నలుగురు వ్యక్తులు ఫీవర్​ ఆస్పత్రిలో చేరారు. వారిలో ఇద్దరికి కరోనా లక్షణాలున్నాయని గ్రహించి, వారి సాంపుల్స్​ను పూణెకు పంపించారు. పరీక్షించిన పూణె వైద్య బృందం ఆ వ్యక్తులకు కరోనా సోకలేదని తేల్చింది.

కరోనా కలకలంతో నేడు రాష్ట్రానికి కేంద్ర ఆరోగ్య బృందం చేరుకుంది. ఫీవర్, గాంధీ, ఛాతీ ఆస్పత్రులను సందర్శించనుంది. అనంతరం సచివాలయంలో ఆరోగ్యశాఖ అధికారులతో భేటీకానుంది. కోఠి డీఎంఈ కార్యాలయంలో ప్రత్యేక సమావేశం నిర్వహించిన అనంతరం సీఎస్​ సోమేశ్​ కుమార్​ను కలిసే అవకాశముంది. ​

• ఇదీ చూడండి : ఆపరేషన్​ కరోనా: ముంబయి నుంచి వుహాన్​కు భారీ విమానం