ఆదర్శ డివిజన్​గా తీర్చి దిద్దుతా: ముద్దాపురం కృష్ణ గౌడ్

స్థానిక సమస్యలను పరిష్కరించడంలో తెరాస కార్పొరేటర్లు విఫలమయ్యారని ఫతేనగర్ డివిజన్ భాజపా అభ్యర్థి ముద్దాపురం కృష్ణ గౌడ్ ఆరోపించారు. తనకు మరో అవకాశం ఇస్తే డివిజన్​ని ఆదర్శంగా తీర్చిదిద్దుతానని హామీ ఇచ్చారు.

ప్రజా సమస్యలను పరిష్కరించడంలో అధికార పార్టీ విఫలమైందని హైదరాబాద్​ ఫతేనగర్ 118 డివిజన్ భాజపా అభ్యర్థి ముద్దాపురం కృష్ణ గౌడ్ ఆరోపించారు. తాను కార్పొరేటర్​గా గతంలో చేసిన అభివృద్ధి కనిపిస్తుంది తప్ప... తెరాస కార్పొరేటర్లు చేసిన అభివృద్ధి లేదని విమర్శించారు. ఎక్కడ వేసిన గొంగడి అక్కడే ఉందని డివిజన్​లో నిర్వహించిన ఎన్నికల ప్రచారంలో ఆయన దుయ్యబట్టారు.

తనకు మరోసారి అవకాశం ఇస్తే ఫతేనగర్​​ని ఆదర్శ డివిజన్​గా తీర్చిదిద్దుతానని హామీనిచ్చారు. సమస్యలు పరిష్కరించడంలో ఎల్లప్పుడూ అందుబాటులో ఉంటానని భరోసానిచ్చారు. ప్రజా సమస్యలే తన ఎజెండా అని వ్యాఖ్యానించారు. ఈ గ్రేటర్ ఎన్నికల్లో తనను అత్యధిక మెజారిటీతో గెలిపిస్తారని ఆశాభావం వ్యక్తం చేశారు.

ఇదీ చదవండి:మేయర్ చేసిన అభివృద్ధి శూన్యం: కాసుల సురేందర్ గౌడ్