ముగిసిన గవర్నర్ వీడ్కోలు సభ.. కాసేపట్లో​ బెంగళూరుకు పయనం

గవర్నర్​ నరసింహన్​ దంపతులకు ప్రభుత్వం ప్రగతిభవన్​లో ఏర్పాటు చేసిన ఆత్మీయ వీడ్కోలు సభ ముగిసింది. కార్యక్రమానికి మంత్రులు, సభాపతి, ఉపసభాపతి, డిప్యూటీ ఛైర్మన్​, ఉన్నతాధికారులు హాజరయ్యారు.

గవర్నర్ నరసింహన్​కు ప్రగతి భవన్​లో ఆత్మీయ వీడ్కోలు కార్యక్రమం ముగిసింది. రేపు కొత్త గవర్నర్ ప్రమాణ స్వీకారం నేపథ్యంలో ఇవాళ నరసింహన్​కు ప్రగతి భవన్​లో వీడ్కోలు కార్యక్రమం ఏర్పాటు చేశారు. పదేళ్ల కాలంలో తమకు అన్ని విధాలా సహకరించారని.. ముఖ్యమంత్రి కేసీఆర్.. నరసింహన్ సేవలను ప్రశంసించారు. కార్యక్రమానికి మంత్రులు, సభాపతి, ఉప సభాపతి హాజరయ్యారు.

కార్యక్రమం అనంతరం.. గవర్నర్ దంపతులు రాజ్​ భవన్​ వెళ్లారు. అక్కడ సిబ్బందికి వీడ్కోలు పలికి.. 4గంటలకు బేగంపేట ఎయిర్​ పోర్టు నుంచి ప్రత్యేక విమానంలో బెంగళూరు వెళ్లనున్నారు. వీడ్కోలుకుముఖ్యమంత్రి కేసీఆర్​, మంత్రులు, ప్రజాప్రతినిధులు, ఉన్నతాధికారులు హాజరుకానున్నారు. నరసింహన్​ వెంట.. రాష్ట్ర ప్రభుత్వం తరఫున ఆర్​ అండ్​ బీ ముఖ్యకార్యదర్శి, ఏడీసీ వెళ్లనున్నారు.

ఇదీ చూడండి: చంద్రయాన్​-2: 'ల్యాండర్ కష్టమే- ఆర్బిటర్ భద్రం'