గాంధీ ఆసుపత్రిలో కరోనా బాధితులపై పడిన ఫ్యాన్​

తెలంగాణలో కరోనా కలవరపెడుతోంది. బాధితులకు చికిత్స కోసం ప్రభుత్వం ఎంతో కృషి చేస్తోంది. రోగులందరూ గాంధీ ఆస్పత్రిలో చికిత్స పొందుతున్న సంగతి తెలిసిందే. కొవిడ్​తో పోరాడుతూ.. బతుకుతామో లేదో అని ఆందోళనలో ఉన్నారు రోగులు. అయితే ఈ సమయంలో వారికి ఫ్యాన్​ గండం ఎదురైంది.

మూలిగే నక్కపై తాటిపండు పడినట్లయింది కరోనా బాధితుల పరిస్థితి. సికింద్రాబాద్ గాంధీ హాస్పిటల్ ఏడో అంతస్తులో కరోనా పాజిటివ్ బాధితులు చికిత్స పొందుతున్న సంగతి తెలిసిందే. అయితే మంగళవారం ఉదయం పైకప్పుకు ఉన్న ఫ్యాన్​ ప్రమాదవశాత్తు రోగులపై పడింది. దీంతో ఇద్దరికి స్వల్ప గాయాలయ్యాయి.

విషయం తెలిసిన సిబ్బంది చాలా సేపటి వరకు రాలేదు. అసలే ప్రాణాలతో పోరాడుతున్నామని.. ఈ సమయంలో ఇలా జరిగితే బాధ్యులు ఎవరంటూ బాధితులు ఆగ్రహం వ్యక్తం చేశారు.

ఇదీ చదవండి:'తెలంగాణకు కేసీఆర్ దేవుడిచ్చిన వరం'