operation chabutra: ఆపరేషన్​ ఛబుత్రా చేపట్టిన ఫలక్‌ నుమా​ పోలీసులు

లాక్​డౌన్​ నిబంధనలను ఉల్లంఘిస్తూ.. కాలనీల్లో, బస్తీల్లో నిబంధనలను పాటించకుండా తిరిగే వారిపై ఫలక్‌ నుమా​ పోలీసులు ఆపరేషన్ ఛబుత్రా చేపట్టారు. అకారణంగా ఇంటి నుంచి బయటకు వచ్చిన వారికి కౌన్సిలింగ్ ఇచ్చారు. కరోనా కల్లోల వేళ.. నిబంధనలను ఉల్లంఘించడం సరికాదని తెలిపారు.

ఆపరేషన్​ ఛబుత్రాలో భాగంగా... హైదరాబాద్​లోని తీగల కుంట, నవాబ్ సహబ్ కుంట ప్రాంతాల్లో అకారణంగా ఇంటి బయట గుంపులుగా కూర్చున్న 70 మందిని ఫలక్‌ నుమా​ పోలీసులు అదుపులోకి తీసుకున్నారు. వారందరికి ఓ ఫంక్షన్ హల్​లో దక్షిణ మండలం డీసీపీ గజరావు భూపాల్ కౌన్సిలింగ్ ఇచ్చారు.

కరోనా కల్లోల వేళ.. నిబంధనలను ఉల్లంఘించడం సరికాదని అన్నారు. మరలా పునరావృతం అయితే కఠిన చర్యలు చేపడతామని హెచ్చరించారు. ఈ కార్యక్రమంలో డీసీపీతో పాటు ఏసీపీ ఎంఏ మాజిద్, సీఐ దేవేందర్ పాల్గొన్నారు.

ఇదీ చదవండి:Tragedy: రూ.80 లక్షలు ఖర్చు చేసినా.. కుటుంబంలో ముగ్గురు మృతి