'డిగ్రీ, పీజీ విద్యార్థులకు పరీక్ష ఫీజు చెల్లింపు గడువు పొడిగించండి'

డిగ్రీ, పీజీ విద్యార్థులకు ఎలాంటి అపరాధ రుసుం లేకుండా పరీక్ష ఫీజులు తీసుకోవాలని... రాష్ట్రంలోని ఆరు విశ్వవిద్యాలయాలకు కాంగ్రెస్​ నేత, మాజీ ఎంపీ మర్రి శశిధర్​ రెడ్డి లేఖలు రాశారు. కరోనా కాటుతో విద్యార్థులు ఇప్పటికే తీవ్ర ఇబ్బందులు పడుతున్నారని, వారి భవిష్యత్తును దృష్టిలో ఉంచుకొని వారికి ఈ అవకాశాన్ని కల్పించాలని వీసీలకు లేఖలో విజ్ఞప్తి చేశారు.

డిగ్రీ, పీజీ విద్యార్థులకు పరీక్ష ఫీజు చెల్లింపు గడువు పొడిగించాలని కోరుతూ... రాష్ట్రంలోని ఆరు విశ్వవిద్యాలయాలకు కాంగ్రెస్​ నేత, మాజీ ఎంపీ మర్రి శశిధర్‌ రెడ్డి లేఖలు రాశారు. కరోనా మహమ్మారి ప్రభావంతో తీవ్ర ఆర్థిక ఇబ్బందులు పడుతున్నారని... వేలాది మంది విద్యార్థులు ఫీజులు చెల్లంచలేని పరిస్థితిలో ఉన్నారని లేఖలో పేర్కొన్నారు. ఈ విపత్కర పరిస్థితిలో విద్యార్థుల భవిష్యత్తును దృష్టిలో ఉంచుకొని, వారందరికి ఫీజులు చెల్లించుకునే వెసులుబాటు కల్పించాలని కోరారు.

చివరి సెమిస్టర్​ విద్యార్థులకు జులై 15వ తేదీ నుంచి పరీక్షలు నిర్వహించనున్నట్లు ప్రకటించినందున... ఈ నెల 20వ తేదీ వరకు పరీక్ష ఫీజులు చెల్లింపునకు ఆయా విశ్వవిద్యాలయాలు గడువు విధించాయి. ఇప్పటికే ఈ గడువు ముగిసినందున ఫీజు చెల్లించని విద్యార్థులకు అపరాధ రుసుం లేకుండా... పరీక్ష ఫీజు కట్టించుకునేలా చర్యలు తీసుకోవాలని ఉస్మానియా, కాకతీయ, శాతవాహన, మహాత్మ గాంధీ, పాలమూరు, తెలంగాణ విశ్వవిద్యాలయాల వీసీలకు విజ్ఞప్తి చేశారు.

ఇదీ చూడండి :ప్రాజెక్టుల పురోగతిపై ముఖ్యమంత్రి కేసీఆర్​కు ఎంపీ కోమటి రెడ్డి లేఖ