మరింత మందికి ఉద్యోగాలు కల్పించాలి: కవిత

హైదరాబాద్​ అమీర్​పేట్​లో నూతనంగా ఏర్పాటు చేసిన మాంగళ్య షాపింగ్​మాల్​ను మాజీ ఎంపీ, తెలంగాణ జాగృతి అధ్యక్షురాలు కల్వకుంట్ల కవిత ప్రారంభించారు. ఈ కార్యక్రమంలో ఆమెతో పాటు ఎమ్మెల్యే మాగంటి గోపీనాథ్​ పాల్గొన్నారు. అన్ని రకాలైన ఉత్పత్తులతో పాటు ప్రత్యేక ఆఫర్లను అందిస్తున్నట్లు షోరూం​ ఎండీ తెలిపారు.

కొవిడ్​ నిబంధనలను పాటిస్తూ దాదాపు 3 వేల మందికి ఉపాధి కల్పిస్తున్న మాంగళ్య షోరూం​ నిర్వాహకులను మాజీ ఎంపీ, తెలంగాణ జాగృతి అధ్యక్షురాలు కల్వకుంట్ల కవిత అభినందించారు. హైదరాబాద్‌ అమీర్‌పేటలో నూతనంగా ఏర్పాటు చేసిన మాంగళ్య షాపింగ్‌ మాల్‌ను ఆమె ప్రారంభించారు. ఈ కార్యక్రమంలో కవితతో పాటు ఎమ్మెల్యే మాగంటి గోపినాథ్ పాల్గొన్నారు.

మన్నిక, నాణ్యతతో ఉత్పత్తులను అందిస్తే ప్రజలు ఆదరిస్తారని కవిత.. నిర్వాహకులకు గుర్తు చేశారు. వరంగల్‌లో తొలి షోరూమ్‌ను ప్రారంభించి రాష్ట్రవ్యాప్తంగా కొద్ది కాలంలోనే 9 షోరూమ్‌లు ప్రారంభించడం అభినందనీయమన్నారు. మరిన్ని షోరూంలను ప్రారంభించి ఎక్కువ మందికి ఉద్యోగాలు కల్పించాలని ఆమె కోరారు.

కరోనా కాలంలో సైతం వినియోగదారులు తమ ఉత్పత్తులను ఆదరించారని ఎండీ కాసం నమశ్శివాయ అన్నారు.

ఇదీ చదవండి:'భారత్​ది ప్రకృతితో మమేకమై జీవించే సంస్కృతి'