'సీఎంకు చిత్తశుద్ధి ఉంటే ఆ పనిచేసి.. ఓట్లు అడగాలి'

మాజీ ఎమ్మెల్సీ రాములు నాయక్​ సీఎం కేసీఆర్​పై విరుచుకుపడ్డారు. ఉద్యోగులకు ఫిట్​మెంట్​ ఇచ్చారు కానీ.. గిరిజనులకు రిజర్వేషన్లు మాత్రం అమలు కాలేదని ధ్వజమెత్తారు.

సీఎం కేసీఆర్​ ఉద్యోగులకు 30శాతం ఫిట్​మెంట్​ ఇచ్చి సంతోషపరిచారు కానీ.. ఇప్పటి వరకు గిరిజనులకు రిజర్వేషన్​లు మాత్రం అమలు కాలేదని మాజీ ఎమ్మెల్సీ రాములు నాయక్ ధ్వజమెత్తారు.

ఓబీసీ రిజర్వేషన్​ అమలైందని.. గిరిజనులకు రిజర్వేషన్​ ఎందుకు అమలు చేయరని ప్రశ్నించారు. గన్​పార్క్​ మీడియా పాయింట్​ వద్ద మాట్లాడిన రాములు నాయక్... ఏప్రిల్​ 27 నుంచి బంజారాహిల్స్​లోని కేసీఆర్​ పాత ఇంటి నుంచి వరంగల్‌ వరకు పాదయాత్ర చేపట్టనున్నట్లు వెల్లడించారు. కేసీఆర్‌కు చిత్తశుద్ది ఉంటే గిరిజనులకు 12శాతం రిజర్వేషన్లు ఇచ్చి నాగార్జునసాగర్‌లో ఓట్లు అడగాలన్నారు.

ఇదీ చదవండి:'ఐఓటీ'.. భారీ సంఖ్యలో ఉద్యోగాలు క‌ల్పించే టెక్నాల‌జీ