రాష్ట్ర ఏర్పాటులో సుష్మాస్వరాజ్​ ఎనలేని కృషి : కిషన్​ రెడ్డి

తెలంగాణ ఏర్పాటులో దివంగత భాజపా నేత, కేంద్ర మాజీ మంత్రి సుష్మాస్వరాజ్​ కృషి ఎనలేనిదని కేంద్రమంత్రి కిషన్​రెడ్డి అన్నారు. ఆమె 68వ జయంతిని పురస్కరించుకుని హైదరాబాద్​ నాంపల్లిలోని భాజపా రాష్ట్ర కార్యాలయంలో చిత్ర పటానికి పూలమాలలు వేసి నివాళులర్పించారు.

రాష్ట్ర అభివృద్ధికి దివంగత భాజపా నేత, కేంద్ర మాజీ మంత్రి సుష్మాస్వరాజ్​ ఎంతో కృషి చేశారని కేంద్రమంత్రి కిషన్​ రెడ్డి తెలిపారు. ఆమె జయంతి సందర్భంగా హైదరాబాద్​లోని నాంపల్లి భాజపా కార్యాలయంలో కిషన్​ రెడ్డి, మహిళా మోర్చా నేతలు, కార్పొరేటర్లు చిత్రపటానికి పూలమాలలు వేసి నివాళులర్పించారు.

రాష్ట్ర ఏర్పాటులో సుష్మాస్వరాజ్ కృషి ఎనలేనిదని కిషన్​ రెడ్డి అన్నారు. కేంద్రమంత్రిగా తెలంగాణ కోసం ఎంతో చేశారని పేర్కొన్నారు. రాష్ట్ర ప్రజలందరూ ఆమెకు రుణపడి ఉన్నామన్నారు. ప్రవాస భారతీయులకు ఏ సమస్య వచ్చినా స్పందించేవారని తెలిపారు. ఎంపీగా గెలిచిన నాపై ప్రత్యేక అభిమానం కురిపించారని కిషన్​ రెడ్డి వెల్లడించారు. భాజపా ఆలోచనలు, సిద్ధాంతాలు ప్రజల్లోకి తీసుకెళ్లిన సుష్మా స్వరాజ్​ను తెలంగాణ ఎప్పటికీ మర్చిపోదని కిషన్ రెడ్డి ఆకాంక్షించారు.

ఇదీ చూడండి :భద్రాద్రిలో వైభవంగా రామదాసు జయంతి ఉత్సవాలు