ఎంతటివారైనా చర్యలు తప్పవు..

గ్రేట‌ర్ పరిధిలో నిబంధ‌న‌ల‌ను అతిక్రమించిన వారిపై జీహెచ్​ఎంసీ కొరడా ఝుళిపించింది. నిబంధనలకు విరుద్ధంగా ఫ్లెక్సీల‌ు ఏర్పాటు చేసిన వారిపై  జరిమానా విధించింది.

నిబంధనలు అతిక్రమించి ఫ్లెక్సీల‌ు, బ్యానర్లు ఏర్పాటు చేస్తే ఎంతటివారినైనా సహించబోమని జీహెచ్​ఎంసీ అధికారులు స్పష్టం చేశారు. రాష్ట్ర ప‌శు సంవ‌ర్థక శాఖ మంత్రిగా త‌ల‌సాని శ్రీ‌నివాస‌యాద‌వ్ శుక్రవారం పదవీ బాధ్యతల స్వీకరించారు. ఈ సంద‌ర్భంగా అభినందనలు తెలుపుతూ నెక్లెస్ రోడ్డు ప్రధాన రహ‌దారిపై పార్టీ శ్రేణులు ఫ్లెక్సీల‌ను ఏర్పాటు చేశారు. నిబంధనలకు విరుద్ధంగా వీటిని ఏర్పాటు చేశారంటూ బాధ్యుడైన బాల‌రాజ్ యాద‌వ్​కుజీహెచ్​ఎంసీ రూ. 25 వేలుజ‌రిమానా విధించింది. ఫ్లెక్సీలు, బ్యాన‌ర్లను నిషేధించామ‌ని నాయ‌కులు, ప్రజలు నిబంధ‌న‌ల‌ను పాటించాలనిమేయ‌ర్ బొంతురామ్మోహ‌న్ కోరారు.