Enforcement Directorate: రూ.370 కోట్లు ఎగవేత.. పీసీహెచ్ గ్రూప్ డైరెక్టర్ అరెస్ట్​

Enforcement Directorate: పీసీహెచ్ గ్రూప్ డైరెక్టర్ బల్వీందర్​ సింగ్​ను ఎన్​ఫోర్స్​మెంట్​ డైరెక్టరేట్ అరెస్టు చేసింది. వివిధ బ్యాంకుల నుంచి సుమారు రూ.370 కోట్ల రుణాలు తీసుకొని.. మోసం చేశారన్న అభియోగంపై సీబీఐ నమోదుచేసిన కేసుల ఆధారంగా ఈడీ దర్యాప్తు చేపట్టింది.

Enforcement Directorate: బ్యాంకులను మోసంచేసి మనీలాండరింగ్​కు పాల్పడ్డారన్న అభియోగంపై పీసీహెచ్ గ్రూప్ డైరెక్టర్ బల్వీందర్​ సింగ్​ను ఎన్​ఫోర్స్​మెంట్​ డైరెక్టరేట్ అరెస్టు చేసింది. పీసీహెచ్ గ్రూప్ సంస్థల పేరిట.. బల్వీందర్​ సింగ్ వివిధ బ్యాంకుల నుంచి రుణాలు తీసుకొని సుమారు 370 కోట్ల రూపాయల మోసానికి పాల్పడ్డారని చెన్నై, బెంగళూరులో సీబీఐ గతంలో కేసులు నమోదు చేసింది.

సీబీఐ కేసుల ఆధారంగా మనీలాండరింగ్​పై ఈడీ దర్యాప్తు చేస్తోంది. బ్యాంకుల నుంచి తీసుకున్న రుణాలను డొల్ల కంపెనీల ద్వారా తమ వ్యక్తిగత, సంస్థల ఖాతాలకు మళ్లించుకున్నట్లు తేలిందని ఈడీ వెల్లడించింది. బ్యాంకులకు రుణాలు తిరిగి చెల్లించకుండా మోసం చేశారని పేర్కొంది. బల్వీందర్​ సింగ్​కు న్యాయస్థానం ఈనెల 23 వరకు రిమాండ్ విధించింది. అనంతరం చంచల్​గూడ జైలుకు తరలించారు.

ఇదీచూడండి: ED Seized Loan App Company Funds : ఆ విషయంలో ఈడీని సమర్థించిన ఫెమా