Hyderabad Book Fair Ended : హైదరాబాద్ దోమలగూడలోని ఎన్టీఆర్ స్టేడియంలో 11 రోజుల పాటు జరిగిన పుస్తక ప్రదర్శన ముగింపు రోజు అట్టహాసంగా సాగింది. ఆదివారం కావడంతో పెద్ద సంఖ్యలో పుస్తక ప్రియులు తరలివచ్చారు. ముగింపు సభకు మహారాష్ట్ర మాజీ గవర్నర్ విద్యాసాగర్తో సహా పలువురు ప్రముఖులు పాల్గొన్నారు.
ఏడాదిలో రెండుసార్లు హైదరాబాద్ బుక్ ఫెయిర్ పెడితే బాగుంటుందని.. విద్యాసాగర్‌రావు అభిప్రాయం వ్యక్తం చేశారు. మిద్దె రాములు ప్రాంగణం, అలిశెట్టి ప్రభాకర్ వేదికగా పేర్లు పెట్టడం స్ఫూర్తిదాయకంగా ఉందన్నారు. పుస్తక పఠనం తనను ఎంతగానో ప్రభావితం చేసిందని బీసీ కమిషన్‌ ఛైర్మన్‌ వకులాభరణం కృష్ణమోహన్‌ తెలిపారు.